一身衰嘢纏身�H英國，今起開放對英國國民（海外）護照（BNO）簽證�H申請，中方亦從今日起唔再承認所謂BNO護照作為旅行證件同埋身份證明。雖然絕大多數人都十分明白英國所作所為無非係為咗賺取經濟利益同埋搞政治炒作，但始終都會有啲「黃絲」執迷不悟，以為呢個係難得�H「機會」。
香港文匯報記者搵到一啲已經持BNO護照去英國�H「先行者」個案，發覺無論係工作生活，定係子女教育都困難重重，有人更直呼被呃，後悔移民，仲日日夢見香港，加之英國民眾擺明唔歡迎持BNO護照港人同佢哋爭食，心水清�H人實睇得出人生是否應該喺呢度落注。
●香港文匯報記者 杜思文、倪思言、文根茂
居英唔包發圍 「幾代人捱返嚟」
好多「黃絲」都話移民英國係為咗「下一代」喺一個「自由」�H地方成長，講到英國好似成個人才自動生產基地咁。有上世紀九十年代同屋企人一同移民英國�H「英格蘭中部全職煮婦」就喺網上現身說法，話教育細路仔最重要�H係父母們以身作則，用自己�H言行令佢哋養成正確價值觀，唔係話帶咗佢去乜所謂「自由」�H地方就一切解決晒。
「英格蘭中部全職煮婦」分享咗上世紀九十年代自己一家人移民英國�H經歷，講咗兄弟姐妹如何喺父母�H教育下，慢慢融入當地，當中結合幾代人�H辛苦付出。
𠵱家好多「黃絲」對香港唔滿意，以為去咗英國天都光晒，小朋友未來一定好過喺香港，一定成為一個有質素�H國際型人才。「英格蘭中部全職煮婦」呢個過來人就話，其實移民真係唔係一時�H事，特別係有細路仔�H家庭，希望佢哋將來目光狹窄、坐井觀天，定係有宏大理想，重要�H係家長現在�H行為表現，「唔係話帶咗佢去自由�H地方就一切都解決㗎！」
網民「Mc Dull」就話：「說中了，完全正確。」「Victor Li」就覺得：「小朋友如果係有料既（�H），去到邊都可以讀到書，最重要係教育佢地（哋）懂得怎樣面對及解決問題，學懂待人接物也很重要。現今小朋友太溫室了。」 ●香港文匯報記者 杜思文
網議政事：生活質素遠遜港 逃避心態實難捱
睇返唔少移民外地�H人分享，佢哋都話去到外國好唔習慣，覺得自己唔適應當地生活。其實，喺移民前真係應該要認真、仔細咁考慮清楚，檢視下自己係咪有足夠�H適應能力，畢竟有啲嘢唔係人哋話好就一定係好、唔係人地話啱自己就一定啱㗎嘛。
語言隔閡 搵食又難
「Vivien Cheng」近日就喺facebook專頁「英國香港人生活交流區」分享，話有對夫妻持BNO護照，佢哋有兩個小朋友，喺香港仲要有車有樓，但講到要移民英國，男方就一直都唔想去。點解？因為男方唔識英文，又無大學學歷，兼且身上毫無其他技能，喺英國一個朋友都無，如果去到英國就只可以留喺屋企湊細路，試問咁�H條件下又點會想離開呢？
除咗個人因素，其實仲要諗下英國比起香港，治安差、天氣差、效率低，交通又唔方便，香港人去到英國可能只有從低做起，雖然話心態決定一切，但真係唔係每個人都可以囉。
「Peg Mft Hkao」就留言分享自己屋企�H經歷：「大家年過40（歲），（有）兩個仔女，積蓄不多，男既（�H）英文唔識，香港打份藍領機電維修，有份夠養家生活既（�H）人工，過嚟英國乜都無晒，其實真係好擔心。」 其實唔只「Peg Mft Hkao」㗎，唔少網民都分享自己以BNO過到英國後�H辛酸史。
講真，移民真係好考驗一個人�H適應能力，一啲走唔出自己舒適圈�H人真係唔會有動力衝破關口，再加上家好多人其實都係以逃避心態移民，完全忽略搵食、語言�H問題，相信咁樣走去第二個地方生活，都唔會好得過去邊。 ●香港文匯報記者 倪思言
網議政事：「蠢黃」受網煽移民 唔黐親戚早餓死
「黃絲」成日抱怨香港環境差，啲「黃絲」KOL就順住佢哋心意，係咁吹噓外國，講到佢哋移咗民實會人生逆襲咁。呢啲咁�H蠢嘢，因為啱「黃絲」心水，佢哋實會信。先人一步持BNO護照移民�H「黃絲」，果然迎來人生逆襲，只不過係向下逆。佢哋當中有人日前喺網上抱怨，話後悔信咗啲「黃絲」KOL唆擺而走，家成日夢到香港。
後悔信錯fb谷 換來黃人恥笑
facebook專頁「港英飛機車大砲」近日貼咗張Tg對話圖，反映有人似乎好後悔去咗英國生活，話「信左（咗）Alvin in UK & facebook d（啲） bno谷（Group），好後悔咁早來」，仲話覺得英國蕭條，如果唔係有親戚喺嗰度就餓死咗。
既然講到咁慘，有人就問佢點解要去英國呀？佢就話：「KOL話香港就『冧』，又話千載難逢機會之類，又話好易搵野（嘢）做」，結果就好天真咁「落搭（疊）」過咗英國，但就「日日都夢到香港」。
啲「黃絲」冇腦成咁，就連自己友都幫唔落。網媒《輔仁媒體》總編容樂其揶揄啲人「求仁得仁」。fb專頁「倫敦人妻先生手記」就留言話：「叫人移民�H人，係唔會為你�H人生負責，請好好計劃你自己的人生。」「Kenix Yu」直言：「從來都覺得上網問人應唔應該走係得啖笑。咁大個人自己用腦諗啦。約埋去旅行咩。」「Sam Lam」就覺得：「抵佢死啦，不負責任！輸打贏要！哩（呢）D（啲）人唔抵可憐！」
●香港文匯報記者 倪思言