●左起:滕麗名、陳豪及宣萱在新劇合作。宣萱樂做御用人質 挑戰健力士
香港文匯報訊（記者 梁靜儀）陳豪、宣萱、滕麗名、洪永城、鄧佩儀及鄭俊弘等昨日出席《陀槍師姐 2021》 宣傳活動。陳豪透露近日搬大屋，並大讚老婆能幹，一手包辦。至於搬屋後會否再添丁，陳豪表示暫無計劃，但亦不能斷言不生。至於宣萱經常扮演人質，她笑言演夠50次就申請加入健力士紀錄大全。
陳豪於劇中飾演警察，原來他與《陀》劇早有淵源，早在《陀槍師姐3》中已有份演出，他說：「嗰時喺劇入面做賊，有好多飛車場面，當時啱啱入TVB做反派，事隔多年終於升呢做警察，不過今集就唔使拍飛車場面。」
被網民封為「御用人質」的宣萱，今次又在劇中繼續做人質，她笑說：「我都唔記得自己做咗第26還是第27次人質，今次係一邊拍一邊寫劇本，呢個被綁架紀錄保持者都幾特別，（可以申請加入健力士紀錄大全？ ）過多20年，等我做夠50次先啦，不過拍被挾持戲都幾開心嘅。」宣萱透露和陳豪於劇中有感情戲，但就沒有親熱戲，最多都只是攬，因為劇集是疫情期間拍攝，大家都好驚，親熱戲都盡量避開，仲有啲喺桑拿浴室嘅外景亦都盡量避免或押後拍攝。
陳豪被問到有報道指他逆市賺過千萬？ 對此他並沒否認：「Touch wood，都OK，一直以來都有上天庇佑，最緊要大家開心。」說到他最近又搬屋，他透露都是搬去舊居附近，並大讚老婆陳茵媺（Aimee）非常能幹：「我要開工冇時間幫手，Aimee非常之能幹，照顧三個小朋友、執屋搬嘢全部佢搞掂晒。」他承認新居面積較舊居大，問到是否準備再生小朋友？ 他笑着否認道：「雖然我哋非常鍾意小朋友，但𠵱家都夠，見好就收，（有意外會再生？）到時再算，唔好絕我後路。」
宣萱亦讚陳豪能妥善照顧一個家庭好叻，不過她就鍾意單身，覺得較有自由，而她亦冇耐性湊小朋友，寧願養動物都不想湊仔。她說：「𠵱家屋企養咗4隻狗3隻貓我都覺得夠啦，始終動物唔使讀書。」
滕麗名由第一輯開始參與演出，至今已廿多年，她所飾演的陳三元更是不少觀眾的集體回憶，她說：「如果公司一路開我會一路拍，其實今次都好辛苦至安排到我呢個警司跑出街。」談到陳豪當年曾於《陀3》扮演賊人，阿滕笑指當年也有份揸車圍捕對方，更被車門夾傷手指，她說：「場戲拍咗好多Take，當導演拍完嗌Cut時，我係咁嗌救命，因為我隻手指仲喺車門裏面，嚇到邵傳勇問我開唔開車門好，劇組問我使唔使去醫院，但我要趕住開廠冇去，返到公司手指腫晒要用針放血，所以隻手指到𠵱家都係彎咗。」
談到她當年與舊愛魏駿傑是因拍攝該劇而撻着，不過二人最終未能開花結果，日前劇集播出魏駿傑的回憶片段，問到可感尷尬？她說：「拍嗰時係睇唔到呢啲畫面，係後期加落去，嗰集我仲未睇，冇問題，每個人都有過去（但呢場獨腳戲，網民讚你做得好好？）本來一Take，但導演想我再靚啲，要喊得收斂少少，同埋場戲係疫情最高峰時拍，我冇晒啲假眼睫毛同指甲油，真面目出晒嚟，所以鏡頭有啲位要避一避。」
此外，昨日眾人分組大玩蓮步舞遊戲，陳豪輕鬆拗腰過關，反而洪永城孭起鄧佩儀時表現得有點吃力，面紅耳赤，他笑指對方外表好瘦，但是骨重，加上自己年紀不輕，又少吃補腰藥，故此有點吃力。
洪永城全日陪女友慶生
問到平日可有孭女友？洪永城謂平時都是女友梁諾妍（Inez）孭他，皆因對方是運動健將，有時間就會捉他去跑步及教他做很多運動，更打算年底跟女友一起跑半馬馬拉松。問到女友覺得他體能方面如何？他笑說：「佢話唔錯，有待進步！」
談到Inez今天生日，洪永城透露已預留整天陪女友，並搞笑說：「連荷里活大片搵我試鏡都唔去，全日都屬於佢，禮物已買咗，安排咗活動 。（會送戒指？）唔係，總之好貼身又貼心。」