●馮盈盈香港文匯報訊（記者 梁靜儀）薛家燕、馮盈盈、林盛斌（Bob）、張秀文、區永權及一眾堪輿學家昨日出席《天天開運王》 記者會，區永權透露其中一集李居明大師更會親自到關之琳府上睇風水。
馮盈盈由年頭忙到年尾，她認為是好事，希望新一年更加忙，事業更上一層樓。問到會否想減少是非？她說：「都想少啲是非，節目內都有請教師傅點樣化解，呢個世界冇嘢化解唔到，佢哋話我新聞多係好事，有人氣同Talking point 。」
對於被指是「新一代姣精」？盈盈則說：「話我係唔等於我係，（覺得哪位『勝任』這個稱號？）冇一位勝任，（可有請教玄學家新一年可有正桃花？）我主要問事業， 桃花運隨緣，𠵱家好享受單身生活。」說到她的前度醫生男友鍾浩文前日結婚，盈盈大方祝福舊愛說：「祝福佢哋啦，除咗祝福都係祝福，（可有傳短訊祝福對方？）我工作比較忙，年三十晚、大年初一又會同家燕姐、汪阿姐多位阿姐合作做節目，好開心。」