●張秀文時刻積極工作及學習增值自己。香港文匯報訊（記者 梁靜儀）港姐出身的張秀文入行十年，近年成為綜藝節目「搶手貨」，去年更獲提名「最佳節目主持」，她最感恩能與林盛斌（Bob）合作，更形容對方是自己「福星」。不過，外間都以為秀文賺得盤滿缽滿，她自爆其實仍欠公司錢，不過她積極面對挑戰，更發掘出為自己打打氣的方法。
張秀文2010年當選港姐亞軍繼而入行，隨後幾年多是擔任綜藝節目嘉賓，發展只是一般，直至去年與林盛斌（Bob）合作主持《你估我唔到》，二人的合拍演出令其人氣上升，今年節目添食，二人再拍檔主持《你又估我唔到》，以及新春節目《天天開運王》。對於去年於多個綜藝節目，她很多謝阿Bob的帶挈，令她在疫情下斷斷續續有工開，並粗略計算過有七八成的節目都是拍住他一齊做，覺得對方是其「福星」。
除了遊戲節目，去年秀文又和崔建邦（Amigo）主持清談節目《諸朋好友》，此亦是秀文首次主持清談節目。節目自播出以來口碑不俗，作為清談節目初哥的秀文坦言最初接到工作時真的感到好有壓力，幸好每位嘉賓都好友善，大家更傾到超時。眾多嘉賓中秀文最難忘是方中信，她笑說：「因為我冇見過方中信，好擔心佢會唔會好多嘢唔肯講，變咗好靜，但佢同Ben哥（林國斌）嘅火花係令人估唔到，仲有佢講起行街市，賣菜阿姐送菊花畀佢時笑到Cut機都仲笑唔停，見到佢好Enjoy自己生活。」 在訪問嘉賓的過程中，秀文自言亦有得着，覺得作為藝人懂得平衡生活是好重要，就算做藝術工作都要有生活。
對於第二輯節目換上師妹陳凱琳（Grace）主持，秀文解釋因要與阿Bob拍《你又估我唔到》，本來都問題不大，但因兩個節目最後被安排同一晚先後播出，惟有忍痛放棄，問到會否感到有點可惜：「當然有少少可惜，自己好鍾意呢個節目，加上認識好多前輩，希望節目舉行慰勞宴Amigo會叫埋我。」她又大讚Grace為人幽默及敢言，都很期待對方的演出。
一杯清水增自信
形象入屋的秀文，新一年的演出機會亦接踵而來，除了主持工作，還有份參演多齣劇集，繼《木棘証人》後，又演出《兒科醫生》及《欺詐劇團》，被笑指賺得盤滿缽滿，她否認，說只是表面風光：「其實只係『揼石仔』，搵真銀就真係冇，但喺疫情下保持出鏡率係開心嘅。」她又自爆去年在經濟上曾出現壓力：「上半年喺公司工作唔係好多，出面好多工作又取消咗，我咁多年都未試過Under Show，我上年仲欠公司錢，收入只夠交租。」
面對經濟上的壓力，秀文未有抱消極態度，反而更積極工作及去學習增值自己，她認為境可隨心轉，而她最近學到一個讓自己充滿正能量的方法：「每晚臨瞓前斟一杯清水，然後就對住杯水傾偈，講好多好說話，例如講自己短期內的計劃，之後就去瞓覺，當然仲要畀自信自己去實踐，尤其係我呢啲缺乏自信嘅人，經常要同自己講：你得嘅，你得嘅。咁就會慢慢肯去行，因唔踏出第一步永遠不會成功，呢個係好重要。」