●「連登」網民質疑龍門冰室啲錢去了哪裡。 網上截圖「黃色經濟圈」醜聞大戶龍門冰室可謂該圈「戲精」，同「手足」嘅恩恩怨怨好容易淡咗熱度，近排又頻頻高調告急，分店執完一間又一間。不過啲黃絲好似已失晒對龍門嘅信任，日前喺「連登」發帖，質疑龍門前排又排晒隊日日有生意，都可以又執又破產，「咁究竟啲錢去×晒邊，唔通你真係蝕住做請大家食野（嘢）咩。」
話說龍門老闆張俊傑近排不斷告急，並把分店執完一間又一間，例如噚日就宣布今日將會係荃灣分店最後一天營業，之前嘅銅鑼灣店亦關門，觀塘食物工場已經提早解約。
不過，佢日前告急嘅尖沙咀分店就聲稱因為已經和業主達成協議，可以畀住四成租，復活節後再繳付餘數，所以仲保得住。據張俊傑所講，佢暫時只係保得住尖沙咀和沙田店。
對於呢個結果，網民「國泰珉安安宥真」就好不滿，並喺「連登」發帖質問龍門嘅錢去晒邊。「國泰珉安安宥真」話，其實疫情期間個個都冇生意㗎喇，好多細舖嘅黃店就算生意唔好都未至於要執，唔明白點解龍門成日告急， 明明前排啲黃絲排晒隊幫襯，日日有生意都可以又執又破產，質疑究竟龍門啲錢去晒邊，「唔通你真係蝕住做請大家食野（嘢）咩？」
佢仲大鬧：「唔×識做生意又唔×識整野（嘢）食就咪×學人擴張，黃大×晒呀而（??）家，做埋你金主好冇，日×日係（喺）度破產破產，真心唔知點玩可以玩到破產？」
「國泰珉安安宥真」仲話：「一早應該要（破產），乜×野（嘢）垃圾餐廳嚟，黃色水魚圈，條廢柴根本唔×識做生意，下下叫黃絲幫佢補鑊。」
譏龍門「自編自導自演」
好多黃絲好似都幾認同呢啲質疑，於是一齊數臭龍門。「事頭婆」就覺得執係抵死嘅：「難食，過度擴張。」
「Poly係城堡係要塞」猜測：「間鋪（舖）又唔係得佢一個，分曬（晒）錢比（畀）親人，自己破產唔使負債，然後問親人拎番（返）啲錢歎世界，人血饅頭好味道。」
「紅塵仙」覺得：「有d（啲）街邊/商場鋪（舖）一年365日都掛住清貨大減價啦，宣傳手法姐（啫）。」
「安全道」亦揶揄龍門：「點解成日自編自導自演打爛自己鋪（舖）頭搏（博）attention（關注）都仲要執笠架（㗎）。」
不過，就算龍門食咗個人血饅頭，黃絲又奈得佢乜何呢？鬼叫你哋願意捧出個黃圈皇帝，??家惟有自食其果喇。
●香港文匯報記者 郭家好