喺童裝連鎖店內放「港獨」旗嘅黃店老闆、反中亂港分子周小龍身體幾誠實。佢噚日喺fb發帖，以東莞海關沒收其產品，抹黑內地官員。不過，此舉卻暴露咗�嘅產品原來係內地製造，搞到有黃絲都留言叫佢畀啲骨氣。
周小龍原定參加去年舉行嘅立法會換屆選舉，佢為咗「博出位」，喺位於荃灣嘅店內放置一座約兩米高、手持代表黑暴運動旗幟嘅所謂「香港民主女神像」，更親手喺有關人像上插上「光復香港 時代革命」嘅「港獨」旗。但點知呢個反中亂港分子做開生意，身體卻幾誠實。
周小龍噚日發帖聲稱自己係一個「和理非的生意人」，「經常都向其他生意人解釋，我們不應該為反而反打壓國內（內地）民企，不應該不發訂單到國內（內地）」。
他又聲稱：「東莞海關反而打壓我產品，說我產品宣揚『黑暴』，把貨物全數沒收不得出境。」無端造謠啲貨物係俾內地官員「佔為己有」云云。
唔少蒙在鼓裡嘅黃絲終於知道，原來Chickeeduck嘅產品係內地製造。「陳漢威」就話：「我有小小意見，香港製造可以嗎？成本貴就賣（貴）D（啲）。」「施子山」都話：「俾（畀）啲骨氣唔好中國（內地）做（造），日本制（製）成本貴啲都有人買！」周小龍就答：「收到。」
而「Ming Ying Liem」就好明白佢，話：「Feel到周老闆做咁多嘢唔係為利益的。」如果真係咁，佢一路喺內地製貨係為咗乜呢？
●香港文匯報記者 黃書蘭