●網民指「西貢青年舍」賣台灣鳳梨食盡人血饅頭。 「正視 2.0」fb截圖早前「台灣鳳梨」被禁止輸入內地，有唔少「黃店」同組織就以高價出售「台灣鳳梨」，美其名呼籲班「手足」支持台灣農民，但實際上就係想從中賺返筆。不過，成班黃絲又點會用腦分析吖，佢哋一心以為大家係「同路人」就一條心，信到啲「黃店」十足十，結果做咗水魚都唔知，真係蠢到加零一。
話說日前「西貢青年舍」喺fb宣傳預購「台灣鳳梨」，標明每個價值30蚊，而一箱5粒至8粒就賣190蚊。為咗氹班黃絲幫襯，佢哋就話：「3月係『台灣鳳梨』嘅收成期，一句話唔要就搞到台農企咗喺度，有香港人無咁易！」佢哋仲強調：「是次團購純義務性質，不賺分文，只限街坊訂購自用，謝絕轉售圖利。」
之但係一個鳳梨賣成30蚊，明眼人睇落似乎有啲唔合理喎。fb專頁「正視2.0」就圖文並茂咁踢爆佢話：「好似今日，又有台灣鳳梨搵你『扮賊』嘅case，食盡人血饅頭，明明街市買個鳳梨先25蚊個，揾（搵）你買仲要30蚊個，真係攞你命，一箱數埋都9粒，隨時可能仲畀你抽埋水。」睇真啲，「西貢青年舍」同街市所賣嘅一樣係「台灣金鑽鳳梨」，因乜解究佢哋會賣貴啲呢？唔通就係因為有「黃」背景嘅加持？
對於「西貢青年舍」賣「台灣鳳梨」一事，「ChiChi Angel」就質疑：「果欄先20蚊個，抽晒水。」「Doris Tai」就話：「等佢哋自己人呃自己人都好，總好過破壞社會。」
網民譏「佢哋都係隻豬」
「Woody Lam」就「苦口婆心」咁講：「佢地（哋）心甘情願比（俾）人呃、明知比（俾）人呃都要去，咁做咩阻止佢呢？」而「Eva Cin」就揶揄話：「所以佢地（哋）個logo都係一隻豬。」
學「正視2.0」話齋，咩都掛個顏色出嚟就賺到錢，真係易過借火，難怪「黃色經濟圈」會俾人叫做「黃色水魚圈」啦！
●香港文匯報記者 倪思言