第二場、第四班、一八○○米。近期股市波幅都幾大，一般散戶都好難搵食，不如買馬仔可能仲搵到餐晏仔，好似馬圈都有波幅，所指嘅係「勝利波幅」，馬主傅果權個人養過三匹馬，其中「勁有波幅」同「引伸波幅」都係多捷馬。傅果權喺上年七月香港國際馬匹拍賣會，以三百五十萬元買入「勝利波幅」，匹馬前仗喺谷草一哩突如其來追得第三，今戰安排加程可補中。
第五場、第四班、一二○○米。香港高爾夫球會賽馬團體養馬超過三十年，現役團體成員有唔少猛人，好似馬會前主席夏佳理、「一定」系馬主何壽南等，全部都係資深馬主，大摩退休後，呢個團體今季新馬「海精英」就支持韋達，佢做騎師嗰時，曾為呢個團體嘅「海紅寶」同「海翡翠」贏過馬，合作早有淵源，「海精英」出道跑過四次，狀態提升甚快，經熱身後近兩場同程都跑第三，質新馬持續進步，今場可望打開勝門。
第九場、第三班、一六五○米。「喜蓮」系馬主曾以「喜蓮之星」揚威打吡，近年胡家仍積極購入貴價馬來港，希望可再染指這場經典大賽，可惜今季引入的「喜蓮慧星」爭唔夠分，胡家又要與打吡緣慳一面，雖然打吡追夢又要再等，但告東尼都想為胡家贏馬攞番個安慰獎。「喜蓮慧星」睇近仗追勁甚強，目前谷草最合適發揮，賽前試千七米谷閘得第三名，呢粒星係時候發光咯。