第六場、第四班、一二○○米。「五邑之星」拍賣馬身價七百二十萬，出賽頭三次配何澤堯操刀獲四至七名，但每次都排檔差沿途走位欠理想，前次加眼罩更望空前跟，入彎時出錯腳外閃，直路僅僅保住第四；上場交由雷神操刀立即跑第二名。其實計血統，此駒與前南澳打吡冠軍Volatile Mix為同母半兄弟，日後肯定有長力扳上一哩。「五邑之星」持續進步，今場對手唔算強，谷草短直路最合腳法發揮，今次配合同主馬「和氣生財」而來，很大機會打開勝門。
第八場、第三班、一二○○米。韋達開倉以來「才」系馬最撐佢，早年掌舵人梁麟炳愛駒「恭喜」由蔡約翰訓練，亦是在韋達胯下打開勝門。不過，今季韋達馬房暫時取得十九場頭馬，可惜「奮鬥雄才」、「尊才」及「恭喜發才」仍未有頭馬着落，梁麟炳名下嘅高價自購馬「創意天才」在港八戰零上名，最近退役止蝕離場，相信韋達更加會識做。「奮鬥雄才」為今季新到港嘅自購馬，喺澳洲服役時三戰一冠兩亞，贏馬路程九百米，應是匹鬥快短途材料，落地後跑兩場走勢唔差，目前評六十六分估計有水位，轉來谷草上陣買定先冇衰。