●網民質疑「巴打鮮菓」因為無生意，要自編自導自演被淋紅油。 fb截圖唔知係咪誠信破咗產，??家黃店講嘢成日都冇人信。好似位於元朗嘅黃店「巴打鮮菓」咁，分店開張當日就聲稱被淋紅油，不過，有唔少網民就質疑佢哋喺度自編自導自演，請幾個「爛仔」淋紅油就可以上報紙、有免費宣傳，認真識計數喎。
黃店「巴打鮮菓」噚日喺社交平台出post，影住店舖嘅鐵閘俾人淋上紅油，好似鬼畫符一樣，然後話：「點係呀，咁大禮，開張就比（畀）驚喜我，咁大賀禮呀，嚇鬼呀×你老×，日日黎（嚟）丫（吖）笨。」佢仲不斷稱自己唔驚，叫淋紅油者「夠薑就正面埋黎（嚟）」咁話。
俾人潑一潑紅油後，有啲黃絲就即刻話要去幫襯，聲稱「巴打鮮菓」係黃店「認證」。「Raymond Chin」就話：「唔好洗（使）走佢呀，無呢噠（撻）漬我驚幫襯錯舖頭。」
不過，更多人質疑一切都只係「陰謀」，係黃店店主自編自導自演博宣傳。「Ken Cheung」就寸佢：「冇生意都唔洗（使）自編自導自演㗎。」「羅茲威爾」質疑：「元朗咁多黃店都冇比（俾）人淋紅油，佢第一日就被人淋紅油？」「羅馬里奧」就話：「呢招有元朗黃店玩過。」
網民譏呢啲叫「黃色水魚圈」
唔單止冇得到預料之中咁多人同情，間黃店仲俾人爆話做生意手段蠱惑，食品質素都有問題呢？網民「謝賢」就喺連登討論區分享話：「上年試過訂日本桃，去到佢話我訂嗰啲冇曬（晒），得返啲貴款，趕住攞去送比（畀）人冇計焗要，佢啲野（嘢）係靚但間野（嘢）唔係咁老實囉。」
「邊境大將軍（崩線）」就話：「好心呢啲垃圾黃店就咪縱容佢，咁××你都仲幫襯佢，呢啲叫『黃色水魚圈』而唔係『黃色經濟圈』，我果（嗰）次係（喺）佢到（度）買啲士多啤梨發×晒霉。」
「我叫走甜」更加話：「呢間野（嘢）出名拎光環，消費『抗爭』，自己諗。」●香港文匯報記者 倪思言