 放大圖片
■鄭融有二伯幫手，放膽指手劃腳。
【本報訊】（記者 梁靜儀）鄭融、徐淑敏及諸葛梓岐前晚為《美女廚房》進行錄影，嘉賓評判有田啟文和林子聰，三位靚女並請來一位嘉賓幫手，其中以鄭融的二伯父最幫得手，煮第一味𣆥「四川麻辣雙腸會」更贏得評判一致讚賞。
前晚三位靚女第一道菜式煮的是「四川麻辣雙腸會」，她們見到豬大腸即面有難色，鄭融更因為豬大腸的腥味忍不住作嘔，諸葛梓岐在整理豬大腸時，主持人鄭中基要求她自我介紹，她就大叫：「唔得呀，我怕D屎彈咗口呀。」相比之下，經常下廚的徐淑敏洗大腸時則淡定得多。
清洗大腸期間，諸葛梓岐不時俯身露出乳溝，就算工作人員的鏡頭對準她亦懶理，而平日有工人下廚的她，煮𣆥時雞手鴨腳，更搞到鑊子突然起火，鄭融亦同樣情況，鄭中基見狀即時走上前撲熄火種。
前晚鄭融邀請了二伯父幫手，並獲評判給予最高分，事後鄭融指二伯父以前做機器，從未學過烹飪，只是曾經在地盤煮過大鑊飯及對廚藝有天份。今集勝出的美女廚神可贏得十萬元獎金，問到鄭融若勝出可會與二伯父分享呢？她表示沒有想過獎金問題，因這次還是首次與二伯父一齊下廚。
在上一輯《美女廚房》勝出的鄭融，表示很多人都以為她不懂下廚，其實她也識煮兩味的，最拿手是煮涼瓜炒肉片和煲湯，不過都是跟傭人學的。鄭融的二伯父出場時因行錯位被鄭融喝住，主持又問到他鄭融平時乖唔乖，二伯父笑笑道：「唔乖都要講佢乖啦。（鄭融經常去探你？）過年時來過，但唔想佢來咁多，次次都著四吋高跟鞋行成96級樓梯。（佢惡唔惡？）來我屋企睇咪知囉。（你識唔識煮食？）佢淨係來食，我識唔識煮佢都未知。」
|
放大圖片
