 放大圖片
■Race坦言當初入娛樂圈，有點任性和天真。
第一次參與喜劇演出，Race表示十分好玩，自己飾演的角色更有「多重性格分裂症」。「整個故事由王祖藍去穿插，每次佢都想拍拖，但每次遇到的女仔都有問題。我演精神分裂的女仔，擁有雙重性格。早上我是一個教芭蕾舞的老師，晚上卻穿上性感喱士服飾，在夜店跳艷舞。雖然我有跳開中國舞，但跳芭蕾舞講求的是一舉手、一投足都要優雅，自己到香港舞蹈團學跳舞，都練了很久。學跳艷舞更慘，劇組畀我看了《Show Girl》，自己對住鏡跳，愈跳愈沒信心。跳艷舞有別於平時的跳舞，戲中我還要一邊跳一邊自摸，色誘祖藍，總之好激。自己都不斷想：『導演你係咪玩我？』」
戲中講有女人味的有JJ（賈曉晨），講跳舞叻有子珊（徐子珊），Race一直在問點解要她做這個角色呢？當然她沒開口問導演，自己又唔輸得，開拍前一個月不停練習，到真正拍攝時，導演阮世生都好滿意表現，自己才放下心頭大石。跳艷舞之餘，還要擺出各種誘人POSE，單是聽已經相當吸引，Race還大爆自己動用私伙粉紅內衣。「為了今次的角色，我特別在自己於新加坡經營的內衣店挑選粉紅內衣，最尷尬是拍攝時，還有其他人在場，還要自摸，真是挑戰自己性感極限。又要伸舌，這些事真的只有在電影中發生，如果要跳畀男朋友看，真的做唔出，自已睇返都打冷震。所以拍戲幾好，可以為電影豁出去。」
Race曾在銀幕中飾演過多種角色，但她自言愛靜多於動。「每個演員都有不同的性格，當你做不同的角色時，才可把這些層面放大。例如每個人都有不同脾氣和性格，有時好靜，有時又會好嘈，成個八婆咁。好似對上一部電影，我好似好八，咁咪坃出來八。其實私底下的我亦有好多面，平時的我比較靜。對着一大班人我寧願坐埋一邊做聆聽者。但有時見朋友們好靜，我又主動講多些話。始終做藝人，要同好多記者做訪問，要有自己的形象。面對陌生人，我又唔會好刻意跟對方保持距離。就像和朋友出去飲野，除非有個完全唔識的人過來搭訕，否則是朋友的朋友，我都不會刻意去建起一道防火牆。」
|
放大圖片
