 放大圖片
近日在《碧血鹽梟》有出色演出的黃浩然，原來也是生於一個家教甚嚴的家庭。浩然表示細細個唔可以隨便出街，甚至中五也不可以。「爸爸本身是司機，平時工作好忙，但對我同妹妹都好嚴，小小事都罵到飛起，又唔畀我們隨便出街。但其實都明白佢咁做是想我們好，而且佢對家人好好，家人永遠在第一位，我現在顧家的個性都是遺傳自他。」黃浩然又自爆妹妹出世後，因家人全副心思照顧妹妹，令自己呷醋。「當時妹妹出世，我覺得爸爸錫妹妹多一點，個心好唔開心，好似被忽視。另外，我六年級時特別曳，成日要見家長。我好慶幸自己在一個嚴格的家庭中長大，要不然我都會學壞。在此衷心講句：「爸爸！父親節快樂！」
|
放大圖片
