 放大圖片
■曾俊華昨日回母校喇沙書院教授學生劍擊，他笑說：「做完手術血管通了，更多氧氣上腦，身體仲fit過以前！」本報記者劉國權 攝
日日運動身體好，大病初癒的財政司司長曾俊華，自上周重返工作崗位後，急不及待回到母校喇沙書院教授劍擊，乘機出一身汗，兼以行動力證自己狀態大勇。曾俊華笑說：「做完手術血管通了，更多氧氣上腦，身體仲fit過以前！」而一班徒弟徒孫非常體貼，繼先前送上慰問卡後，昨日由小學生做代表向「師公」送上「護理三寶」——分別是一罐即沖麥皮、一隻紓緩緊張的SPA音樂專輯，以及一隻輯錄了有關心臟護理節目的光碟，叮囑曾俊華「做好呢份工」之時，也要不忘保重身體。
術後不足半月 全副武裝落場
曾俊華自85年開始，除了離港進行外訪活動外，每逢周六下午例必回喇沙書院義務教劍。雖然上月底因急性心臟病在瑪麗醫院接受「通波仔」手術，至今不足兩星期，但他昨日已重出江湖，跟徒弟徒孫切磋，還全副武裝落場為學員進行特訓。
見識醫學昌明 傷口芝麻咁細
被問及早前徘徊生死邊緣的入院經歷，曾俊華淡淡然說，起初還以為只是胃痛，到施手術時也毫不驚慌，反而氣氛輕鬆，「當時我保持清醒，醫生叫我打側身從熒幕上看看手術過程，我還反問『我無帶眼鏡喎！』」他坦言，今次入院的意外收穫，是見識到醫學昌明及市民的關心，「真係好犀利，剗家大髀匯傷口好似芝麻咁大粒咋！」他又感激有熱心市民在他臥病在床的日子送上功夫秘笈，「話明係秘笈，當然唔可以透露內容啦！但係市民真係好有心！」
生活一切依舊 誓不減工作量
曾俊華表示，自從出院後生活一切依舊，每朝早跑步半小時，偶爾食蜜糖、麥皮，亦會定期進行身體檢查。他打趣指「因病得福」，手術後身體仲fit過之前，又強調會繼續全力以赴服務市民，「我份人好數碼化，唔係0就係1，一係做，一係唔做，唔會因為今次就減少工作量。」 ■本報記者 曾少妍
|
放大圖片
