|
李自明
建制派各大政黨拒絕參與是次由癲民黨策動的假「公投」，令辭職再參選的公社5丑自以為「坐定粒六」。不過，在5區補選提名期結束前夕，各方奇人紛紛現身，搞到個局恍如一齣「六國大封相」。其中又以九龍西的癲狗幫祖師爺狂郁人最犯眾憎，截至昨日已有5人挑機，反而公文袋的袋巾梁，至今僅得1個名不經傳的「自己友」參選，如無意外，即使投票率低亦可以輕鬆取勝。政壇老友向自明笑說，乏人挑戰，被誘上賊船的公文袋今番可謂執返身彩，不免偷偷為有人「墊屍底」而掩住半邊口偷笑。
民望江河日下 公民黨驚補選出事
癲民兩黨策動的所謂「公投」不得人心，香港各界先狠批後冷待，兩黨民望更江河日下。政壇老友說，癲狗幫民望一直處於低谷，所謂「拚死無大害」，只要能將更多香港憤青和紅小兵收歸麾下就已經有賺；但公文袋一眾政治藍血人只曾在立法會選舉中領受過癲狗幫前主席狂郁人的「一家之言」，幾曾見過今日這般八方風雨，加上癲狗幫又唔生性，不時出來胡說八道，令公文袋疲於奔命日日補鑊，最近就連黨主席關信基亦突然和袋巾梁唱反調提出「白票論」，再加上日前黃衫遊街反應冷淡，令這班政治藍血人越看越是心驚，擔憂袋巾梁和戲子陳只能低票當選甚或意外落馬，公文袋就更加顏面無存。
所謂覆水難收，公文袋恨錯難返，只能繼續陪癲狗跳這曲「最後的探戈」。不過，隨着「5區補選」提名期踏入最後一天，參選人馬已基本底定，這班政治藍血人內心總算鬆了一口氣。
挑戰癲狗有好戲 袋巾戲子執身彩
老友分析說，今次補選，九龍西和新界西成為了主戰場：前者不但參選人數最多，其戲碼亦最為精彩，有狂郁人和白姐姐的泥漿摔角，單論娛樂性已經夠殺，再加上癲狗幫叛將Ken仔加入戰團力踩祖師爺，還有妙論「攪珠選議員」的郭兆明參選等，肯定熱鬧過嘉年華。後者雖陣容稍遜，仍有大口舊「死敵」鄒秉恬參戰，加上因為不滿大口舊而退出癲狗幫的李世鴻等。所謂狗急跳牆，一定好戲連場，「大家都估計今次投票率一定唔會高，所以癲民兩黨講嘢已經冇咁口響，効咁嘅情況下，狂郁人同大口舊如果都唔能夠以大多數票贏返個議席，以後講嘢就冇得咁大聲；如果係險勝，就真係要學狂郁人話齋，返屋企瞓覺啦！」
有癲狗幫「墊屍底」，參選九龍東的袋巾梁，及港島的戲子陳肯定會鬆一口氣：「焦點擺咗効九龍西同新界西，呢兩個區就會成為兩黨今次行動嘅指標，一旦得票不多甚至敗選，狂郁人同大口舊就肯定要栢起呢隻鑊，做阿Sorry Sir。反觀港島得幾個冇人識嘅人參選，就算早排話要選嘅巴士阿叔今日搭到尾班車，對戲子陳嘅威脅都唔算大；九東就更加唔使講啦，只得一個學生隊隊員挑戰。對手咁弱，公文袋2丑肯定覺得選舉期間唔使好似癲狗幫咁辛苦，就可以攞到大多數票，到時講嘢就可以聲大大喇！」
社民連最擅賣友 失敗必賴公民黨
不過，公文袋的惡夢未必過去，因為癲狗幫最擅長的就是為了自己出賣反對派盟友：「如果形勢真係唔妥，你估癲狗幫會放過公文袋咩？佢哋肯定會向公文袋要人要資源，唔好話稍有怠慢，就算任癲狗幫予取予攜，最後都一定話你公文袋支援不足，公文袋唔肯同癲狗幫斷纜，早晚會領略到養狗咬籮柚嘅滋味，我就繼續食花生等睇戲！」
|
