 放大圖片
香港文匯報訊「動漫Maggie」李曼筠（圖右）最近與世界名廚甄文達（圖左）（Martin Yan）主持有線節目《名廚．鄉土濃情甄文達》。二人最後一站去到番禺搵食，瘋狂日食5餐雞，被笑稱是「飯桶」的Maggie最愛以雞油撈飯。Maggie笑言試勻廣州各地的名雞後，怕回港後會變得更嘴刁。廣州盛產不同品種的走地雞，Maggie及Martin早前特意去到當地試勻各地名雞。Maggie笑言：「第一次食『全雞餐』，破紀錄一日食5餐雞，咩品種、咩煮法都有，試過湛江雞、葵花雞；又試過用荔枝柴燒成的土焗雞，雞肉味道甜甜地，仲有陣荔枝香味，好特別。今次試了這麼咁好味的雞後，我怕返香港後會變得更嘴刁，啃唔落啲冰鮮雞。」
早前兩人在番禺的百萬葵園煮最後一道美食「蓮藕紅蘿蔔炆葵花雞」時，眼淺的Maggie頓感依依不捨，忍不住淚灑當場。Maggie表示：「今次是我第一次拍飲食節目，整整一個月與Martin朝夕相對，跟著他周圍玩，周圍食；與製作團隊又好似一家人咁。工作人員經常話我大膽，捉雞、捉蛇咩都唔驚，但我的『死穴』係我個人好感性、好眼淺。見到師傅眼濕濕，搞到我都忍唔住喊埋一份。平時我好少為男人喊，點知今次拍飲食節目忽然做『喊包』，足足喊咗三次，次次想忍住唔喊，但最後都『失守』。 」
|
放大圖片
