|
香港文匯報訊 (記者 顏倫樂) 有10多年買賣凶宅經驗的「凶宅大王」伍冠流儘管買賣至今從未虧損，惟上得山多終遇虎，原來他亦曾有靈異經歷。
步入置富單位 太太變男聲
伍冠流說，早年曾與太太到置富花園一間凶宅睇樓，單位據稱曾有一名阿伯於單位內死去一段時間無人知，最後更發臭，要叫消防員開門。還記得入屋睇樓時，木地板上清楚見到一灘黑色屍痕。最無法釋懷的地方，是太太入屋後，傾談之間突然用一把男人聲與他說話，但離開單位後就回復正常。
正常人碰到這種情況早已放棄入市，偏偏遇著伍冠流信天主教，百無禁忌，最後都買入單位。他更嘗試以科學角度解釋事件：「我自己都唔知點解，唯一解釋係精神唔集中，唔夠瞓，有錯覺囉。」
裝修工電死 居所變凶宅
回想起首次接觸凶宅，原來早於19年前(約1993年)：「當年住係北角單幢樓，打算裝修好後嚟賣，見廁所唔靚，裝修工人話換過可以賣到好價錢。點知換的時候落大雨，佢又著靴，仲要踩電單車嚟開工，對靴入水，裝修時，佢企係坐廁旁邊又有一灘水，然後在用電鑽時漏電，幾樣嘢夾埋後，工人被電死了。」
居所變成凶宅，但伍冠流一於少理，繼續居住，最後更照足市價轉手。其後伍冠流移居外地4年，1997年回來時仍然只購買正常單位投資，但數年後有朋友介紹購買凶宅，他再想起93年「單位無端端變咗凶宅都搵到人住」，覺得買賣凶宅賺得更多，於是一頭栽進這個另類市場。
|
