|
余似心
朋友輾轉傳來：「一個女警的心聲」，讀後令人對香港心痛，對香港前景既灰心，又懷有點希望。
內容是：「尋日的遊行，很多警察工作超過十八小時……咁辛苦咪為咗服務廣大嘅市民，我認為每個人都有權表達意見，為市民服務，在遊行期間擔當維持秩序嘅角色係警察嘅責任，警察好樂意承擔，但今日……我聽到六七個年約二十多歲年輕人在笑談：哈哈！仲話警察，我哋走來走去都捉唔到我哋。仲話做警察，食屎啦，啲枝燈照下佢哋玩下（繼而佢哋用閃光燈照住警察嘅眼睛，但所有警察並沒有理會佢哋嘅行為。）之後佢哋好無癮地話：×，班狗都無反應嘅，走去第二度再玩……又見到有示威者有預謀地監生屈警察打佢，自己飛仆落地大聲話俾差人打，叫記者嚟影……覺得好心痛，點解香港嘅市民係咁，警察係保護市民的生命財產，捉賊救人，呢班人就將警察當作佢哋消磨時間嘅玩具之餘，完全不顧其他道路使用者嘅權利，更利用警察製造新聞，令警察無法做佢哋應做嘅事，香港點會安定呢？事實上，有好多人係知道警察嘅付出，知道佢哋辛苦……。只要理直，就可以氣壯，面對呢啲人，要不溫不火，堅守本分……依法執行……真理永遠都在，合情合法合理，無論咩情況都無需要怕！」
這就是目前的香港社會，有些人假借個人權利之名，去打擊別人的權利及尊嚴，而默默地盡忠職守的人，保護了市民卻得不到應得的尊重。年前一名警長在中環為救一個爬上天橋頂的示威者而跌死的慘劇，這是香港現實：是非顛倒！看來這位女警也是年輕人，慶幸我們還有良知、有理想，未被壓倒的一代；有堅守本份、忍辱負重的警隊保護著香港！有這樣一支隊伍，香港有望！
|
