田灣CASE：田灣區代理譚仁心：半年成交一隻手數晒

放大圖片

■代理譚仁心稱：「而家啲放盤跌咗五成」。 記者顏倫樂 攝

　譚仁心為田灣一間小型代理行的高級物業顧問，她亦坦言留意到區內交投環境的轉變，知道有代理行結業，「細行經營一定差過大行㗎，你話係田灣呢個細地方，地舖月租幾萬蚊，但又無咩生意，仲要請伙記，點維皮吖？」問到現時田灣區的地產代理經營環境，她語帶無奈：「而家啲放盤跌咗五成，其實唔係無人嚟問盤，無樓賣，點做啫？」

有人問盤 嘆無樓賣

　雖然政府出招令地產行業「生意難撈」，但譚仁心反而認為出招應該：「就算無生意做都係咁講，太貴啦！而家啲樓價，田灣呢邊係用家市場，入到嚟都唔係話非常有錢，你叫人點買？而家講緊係300呎樓可能都要300萬，買的人卻步，賣的人都會諗啦，所以跌少少都好。」

　譚仁心所在的地舖，與旁邊的找換店共用，面積可以用「豆腐姉咁細」來形容。她不介意分享其經營之道：「講真，我哋搬入嚟田灣只係半年，促成的生意5隻手指數得晒，好彩有旁邊的找換店一齊分租，幫補吓租金。」