 放大圖片
■星哥誓要煮出屬於香港的咖喱。莫雪芝 攝
社會發展，時代變遷，不少傳統店舖未能轉型升級，逐漸淘汰消失；亦有老店重新包裝自己，磨利裝備「殺出血路」。位於上環水坑口街的「咖喱星」，雖然開業才短短4個月，但原來已經有18年歷史，當年以「聯合國咖喱」聞名一時。人稱「星哥」的店主陳國陞多年來飽歷風霜，曾受金融風暴和沙士打擊，整整10年放棄再開業煮咖喱，直至最近才被說服「出山」，決定以「小賣店」形式再闖江湖。「印度有印度咖喱，馬來西亞有馬來西亞咖喱，點解香港唔可以有屬於香港的咖喱」？ ■香港文匯報記者 顏倫樂
說起香港美食，咖喱必不可少，不少旅客訪港其實只為一嚐咖喱魚蛋的美味。可惜香港街頭咖喱愈來愈濫竽充數，缺乏創意美味。「當年出街食嘢，有時想開胃搵叫個咖喱食，但食親都唔好食，所以最後自己整嚟食」。對食物有要求的星哥，1995年決定研製自家咖喱，並於荃灣開設首家「咖喱星」。
研港人口味咖喱
一提起咖喱，星哥即時眉飛色舞，當年自創38種香料咖喱，命名為「聯合國咖喱」，丁香、肉桂、豆蔻等香料如數家珍，更即席品評各國咖喱，如印度和泰國的咖喱偏辣，馬來西亞的咖喱會加椰汁，味道較甜。「我哋嘅咖喱係香港人口味，點研製？靠自己經驗囉，無一本書會講咁多嘢你聽，我仲去過緬甸同馬來西亞取經㗎」。
星哥的「咖喱之路」走得不容易，當年成名較早，荃灣首間店舖因加租結業，其後搬至灣仔一帶，生意最高峰時擁有一間餐廳、一間小食店及一間私房菜，可惜仍敵不過加租結業的命運。2003年期間，因業主瘋狂加租3倍，無奈全線結業。
平常心面對起跌
回憶當年「威水史」，星哥說：「我嘅食物名仲好得意㗎，摩洛哥咖喱雞、印度馬德拉斯咖喱羊肉，全部諗過度過，要令人覺得我整嘅嘢食，好味之餘亦有特色，�蔭犰n多傳媒嚟過採訪，家吓仲有好多當年嘅客仔返嚟食我煮嘅咖喱。」言談間流露出自豪。
「當時業主覺得你生意好，加你租10萬元你都要做，但我唔肯，做生意都喺為賺錢，我咁辛苦一日炒十幾個鐘，周身骨痛，然後賺埋搵租畀你，咁無意思㗎。」這番話，說給時下瘋狂加租的業主聽最為適合。2003年結業後，星哥以平常心面對：「做生意起起落落梗有嘅。」
星哥隨後的生意之路亦迭遭挫折，2003年初曾在牛頭角淘大花園附近開凍肉公司，卻碰正沙士，只得轉行；做過私人廚師、大集團廚師，過去數年則與妻子共同經營地產代理行。
開小店延咖喱夢
今年56歲，年紀漸大的星哥原本已放棄「咖喱夢」，直至4個朋友游說他合作開外賣店，說只需將手藝傳給店員即可，不會太辛苦，星哥「心中一團火」再次點燃，但笑稱：「交低畀人做可以，但味道始終差少少，唔放心。」本著對食物的要求，雖然有夥記幫忙，星哥到今日仍事事親力親為，採訪當日就見他身水身汗進出廚房，展露香港人拚搏的精神。
「開張前3日，我幾乎晚晚無瞓，疲勞轟炸後半夜發高燒，開檔�膜憿]5月19日）成12點都未返到去，叫同事頂住先，但食咗4粒藥再加支針，又即刻精神番，無理由第1日唔做嘢。」自稱「咖喱癡」的星哥，雖然覺得辛苦，但能夠再次開舖賣咖喱仍然相當興奮：「10個食過我咖喱嘅香港人，7個覺得好好味，就已經好滿足！」
|
放大圖片
