 放大圖片
■葉童(右)與汪曼玲細談入行後的轉變。
香港文匯報訊 曾獲兩屆香港電影金像獎最佳女主角的葉童，最近接受有線《星級會客室》專訪，與汪曼玲細談入行後的轉變。
葉童年輕時入讀模特兒學校，其後成為演員，第一部參與的電影已擔正女主角，她解釋一切乃自然發生，「嗰時中學畢業，唔知可以做咩，懵懵懂懂咁入行，搵到一份工可以用自己能力搵錢，已經覺得好叻。」片中更有與張國榮合演的床戲，葉童指自己當時相當害怕，「第一次拍戲就有床戲，完全唔知點做，有諗過拒絕，好彩張國榮畀咗好多信心我，我亦明白係有需要加呢個場合，所以就盡我所能去拍好佢。」演出經驗豐富的她現時希望可擔當演戲導師，在拍攝現場指導新人演戲。
性格內斂被誤解
談到其性格，葉童坦言自己一向沉默寡言，圈中更沒有閨密，「細個就不被鼓勵發表意見，所以一直都唔識表達自己，同埋覺得講少錯少。我可以全日唔同人講嘢，拍戲都係自己坐埋一邊。」不少人因此覺得葉童囂張，於是她逐漸改變與人相處的模式，「以前試過拒絕人搵我簽名，因為我好驚同人互動，但慢慢發現有更好嘅方式表達，例如見到發哥咁親民，我就明白友好啲可以令人舒服好多，咁點解要拒人於千里呢？」
結婚廿七年，丈夫曾被影到與一中女有親密表現，葉童依然維護他：「一對夫婦一定會經歷高低起跌，但年紀大咗就更加識珍惜，唔係做咗咩唔可以容忍嘅大事就得。行街咋喎？我哋有自己嘅空間，大家都有異性朋友。」有否試過與男演員假戲真做？葉童直言：「呢樣嘢好容易發生，演員感情豐富同多幻想，但要明白只係環境造就個感覺，可以用時間調整返，我唔會為咗追求刺激而傷害伴侶。」
從入行到今天，一切都與丈夫有關係，「我好後生就同佢一齊，一直跟住佢睇呢個世界，佢帶我入電影圈，教我做戲，令我接觸好多唔同嘅朋友，改變咗我嘅性格，可以話我有今日，都係因為佢。」
|
放大圖片
