 放大圖片
■田北辰昨於其fb放相，親證可以用一個小時完成游水及午飯，還提醒網民最好食生果。
特首梁振英日前在網誌表示，「如果可以在IFC一帶，建個現代化的岸邊泳棚，午飯後游二十分鐘，是去gym以外的好選擇。」這話題被坊間熱議，自由黨立法會議員田北俊及新民黨立法會議員田北辰兩兄弟，都在各自的facebook發文。其中「二少」就通過親身示範，力挺有關建議。
在特首提到「吃飽飯游水」的建議時，「大少」即貫徹其「抽水」本色，昨日上載自己一張舊相，稱「食飽飯唔游水做乜喎？！」不過，田二少同日在其fb就貼文，「食晏去游水得唔得？阿田話你知！」
他在文中說：「特首話放Lunch可以去游水，結果被人彈佢，話得一個鐘頭，唔夠時間游完水再去食飯。於是我決定親身試一試，究竟趕唔趕得切。而結果係......得既（嘅）！」
他續說，「前題（提）係，一定要游完水先好食嘢，因為食飽飯，係唔適合即刻游水；而游完水之後食啲乜，亦都好講究。因為做完運動通常比較易吸收，如果食得太heavy，唔單止冇keep fit效果，仲會得不償失。好似我咁食生菓（果）就最慳時間又健康啦。」
田二少還標示了「#食晏去游水」、「#食蕉又快又飽肚」、「#不過女人要吹頭化妝就趕唔切」。
有激進網民其後借題發揮，稱二少應該「跳海」。二少其後再在其fb貼文「搵人陪我先」，「今朝（昨晨）出咗個post，將我游水既（嘅）意見同大家分享，我試過游泳池ok，有網友叫我去跳海，都有得諗。」
他又幽默地說，「我一向就游開泳池，跳到落維港，風高浪急，真係驚驚地（哋），要搵個游泳高手傍住先得個（嗰）喎。聞說CY游水好叻，個中環泳棚嘅建議又係佢提出，有佢陪我壯吓膽就好好多啦，不如各位幫吓手遊（游）說佢得唔得？」
|
放大圖片
