 放大圖片
■杏兒蹲身攬實小模特兒。
香港文匯報訊（記者 梁靜儀）胡杏兒昨日出席於酒店舉行的婚紗展，壓軸出場的杏兒在台上透露希望品牌可以盡快進軍內地市場。身穿紅色裙現身的杏兒，表示首次代表自家品牌出席婚紗展，更為此緊張致失眠：「做品牌工作緊張過做自己的工作，（可有參與婚紗的設計？）有，自己以用家身份畀意見，鍾意什麼類型的裙會講畀設計師聽。」她又爆其「胡說八道會」的好姊妹都有給意見，因為她們好貪靚，問到當中誰人最奄尖？杏兒笑說：Paisley（胡蓓蔚）最奄尖，雖然佢嫁咗，但佢係fashion icon。」
對婚紗生意越做越有興趣的杏兒，透露希望可以盡快進軍內地市場，首選在北京開分店。問到預算投資多少錢？一副生意人口吻的杏兒說：「唔可以用錢來計，希望以最少錢做到最大的成效咁就成功，（香港婚紗店生意如何？）怕小器，唔可以話生意好，理想啦。」
杏兒透露五月將返內地拍電影，預計要去一個月。問到新免費電視台ViuTV可有跟她接觸？杏兒表示ViuTV未有跟她接觸。有傳ViuTV製作選美節目？杏兒說：「咁特別？總之香港觀眾愈多啲嘢睇就愈好啦。（可有看過該台的節目？）呢排無時間睇電視，都係做嘢同做嘢。（太忙無時間造人？）無呀，順其自然啦，好多人都話唔好有壓力，唔諗就愈容易。」
|
放大圖片
