 放大圖片
■黃光亮一揮刀，鄭則士則忍不住笑。
香港文匯報訊（記者 梁靜儀）鄭則士(Kent哥)、黃光亮、陳煒(煒哥)、樊亦敏及王子涵等，昨日出席無綫新劇《火線下的江湖大佬》宣傳活動，活動上演員之一的李嘉表演徒手劈榴槤，可惜連劈多下，劈到手出血都未能成功。
黃光亮表示拍《火》劇拍到起真火，他說：「開頭幾日大家一句說話都講唔到，因為一開場就講我坐監，佢(Kent哥)已經搶咗我條女，所以大家都有火，好難溝通，直頭想打對方，拍完呢場戲之後就開始互相認識大家。」
雖然首次與Kent哥合作拍劇，但原來兩人多年前在電影《跛豪》中已合作過。黃光亮指當年自己還是新人，不夠膽走近前輩Kent哥身邊，時隔多年再合作，他大讚Kent哥的演技發揮得淋漓盡致，他說：「Kent哥會修正對白，我都可以接到，總之拍攝過程好興奮，係真正擦出火花，苑仔(苑瓊丹)又係改晒，反應慢啲都唔得。」問到與陳煒合作的感受，他指煒哥一定會跟劇本。雖然拍《火》劇開心，但他說對拍劇興趣不大：「想拍埋呢部唔拍，（王祖藍有意拍《老表，你好嘢3》？）呢個可以考慮，要睇對手。」
Kent哥坦言初時跟黃光亮合作，大家有隔膜，但拍了不夠十日就互相欣賞對方，之後愈拍愈好。對於黃光亮說可能不再拍劇，Kent哥認為有選擇是好事：「我哋仔細老婆嫩，要捱世界，唔拍唔得。」
陳煒見李嘉劈出血心寒
煒哥表示見到李嘉徒手劈榴槤劈到流血，有少少心寒，因在網上看過對方成功劈開榴槤的短片，今次可能榴槤太生，及個台有迴震力。問到劇中李嘉可有劈其他東西？她笑說：「無，睇佢震波已經好開心。」對於黃光亮指她拍劇會跟足劇本，她笑言跟Kent哥合作過兩次已打好底，就算即場改劇本都跟得上。她又笑說：「黃光亮對呢種題材熟，佢坐監坐得多。」
首次拍劇的王子涵，覺得拍劇與拍電影很不同，因為搭了景就要盡快拍，試過連踩七日，初時也有少少吃力，但都拍得好開心。問到她可有因為爸爸是王晶而獲特別優待？她強調沒有得到特別照顧，無優待，自己只是小職員。問到爸爸見到她趕劇可有肉痛？她說：「無喎，佢仲叫我快啲去開工唔好阻佢做嘢，亦無安慰我。」
|
放大圖片
