各反對派為爭奪類近票源互相攻擊，一向是選舉常態。民主黨「超區」參選人涂謹申，近日接受網媒訪問時回應有個別警務人員毆打疑犯一事，將之形容為「他們都是人呀，咪發洩咗岒o」。「香港眾志（中箭）」見機不可失，即時攻擊對方，稱後悔當初投他一票。涂謹申回應稱自己被屈，其黨員更不點名向「中箭」開火，稱「呢個時代的覺醒一群」，「睇見有機可乘就即刻嗜血地去砌人，而唔係嘗試求真求證。」 ■記者 羅旦
涂謹申近日接受網媒《立場新聞》訪問時稱：「（警員）打犯，成日都有㗎啦，只係打慣姿勢打咗（公民黨成員）曾健超啫。啲兵（警察）真係長時間在惡劣環境，好辛苦。他們都是人呀，咪發洩咗岒o。當然如果他夠專業，是不應該發洩的。那麼他就是不夠專業嘛，咪......就係咁囉。」
岑敖暉河童鋒嘲涂發洩論
力撐「中箭」參選的前學聯人岑敖暉，即時在自己的fb轉載有關新聞。他貼文稱，自己看到這一句「真係超級扯火」，「如果按照這個邏輯，真係所有佢地（哋）譴責的事情都講得通。『他們（激進「本土派」）都是人呀，見到水貨客，咪發洩咗岒o。』『他們都是人呀，見到警察，咪發洩左（咗）去囉。』『佢（他）們都是人呀，見到白鴿，咪發洩左（咗）佢囉。』係咪咁就岩（啱），涂議員？」
「中箭」秘書長河童鋒（黃之鋒），除分享了岑的帖子外，更留言稱：「枉我上屆仲叫屋企人投涂謹申。」「中箭」支持者「Harry Poon」更留言稱：「涂謹申你就比（俾）我用棍扑幾吓，我只不過是發洩一吓，有別於我認同打人是對的。」不過，「David Tsui」就突破盲腸揶揄河童鋒：「又攪（搞）分化𠝹人票？」
涂謹申其後在個人fb「澄清」。文中他（還是其admin？）竟肉麻地自稱「涂涂」，聲言「涂涂被屈支持黑警打犯，但涂涂不怕，『訪問』被些牙（share）再被屈，涂涂亦不怕」，又把責任推在該網媒身上，「當時涂涂客觀地指出現實中存在着有警察打犯的問題，有些警察把這『做壞手勢』的方式應用在曾健超身上。涂涂不認為這『做壞手勢』的方式是對或專業的做法，所以之前涂涂已在『七警打曾健超』事件中，直指『黑警』打人是不對的。......而文章被不停的些牙（share），尤(猶)如再被屈N次。」
其黨友羅健熙也發帖反擊「中箭」，「俾其他人的『報導（道）』屈咁多次，個教訓就係睇見有機可乘就即刻嗜血地去砌人，而唔係嘗試求真求證。......都唔知講咗幾多次，呢個時代的覺醒一群都係繼續唔會求真．只要你google一下『涂謹申 曾健超』就會搵到相關報導（道）和說法。」
其實，唔係後生仔唔識google，而係擺明針對你哋民主黨，要搶你班友嘅票，「一切都是選舉，笨蛋！」
「超區」參選人還包括民建聯李慧琼團隊，民建聯周浩鼎團隊，工聯會王國興團隊，公民黨陳琬琛，民主黨鄺俊宇，「街工」梁耀忠，民協何啟明，「新民主同盟」關永業。