為了選舉，每個人都爭住領功，但有時太過脫離現實，就搞到人唔笑狗都吠。計劃參加港島區直選的工黨現任議員何秀蘭，最近在其宣傳品中聲稱自己在政改時，「促使大會從速投票，令建制派暫停會議的企圖未能得逞。」
此信一經上載，即時淪為網絡上的新笑話。不少網民，特別是激進「本土派」的支持者均批評何秀蘭歪曲事實，以欺騙手法來蒙騙選民，更建議向選舉管理委員會投訴她涉嫌虛假陳述。有人更貼文呼籲選民在今年選舉全面放棄工黨。
涉「虛假陳述」 「本土」籲棄工黨
撐激進「本土派」，但又不滿「熱普城」的博客林忌近日在facebook發文。帖文上載了何秀蘭一封「給市民的信」，其中何自稱「2015年在政改投票一役，促使大會從速投票，令建制派暫停會議的企圖未能得逞」。林忌稱，政改一役，何秀蘭明明是在建制派唔齊人時叫點人數，「幾乎累大局，佢居然可以篡改事實，......失實聲明成咁都得？」
網民「佐藤栞」則在其fb「寫信」給何秀蘭。她稱，「我唔知係小妹住喺平行時空，記憶錯亂定係點啦，我記憶中尊貴的何議員當時大叫點人數，而被在場其他民主派喝止，最終點人數未遂，政改繼續表決，終於被大比數否決。」
林忌也回應稱，「家下（吓）你何秀蘭係明明做衰野（嘢），唔提都算，倒轉來講都得？癡（黐）線（㗎）？......報咗名係咪可以告虛假陳述乜乜？」
「林偉健」也稱，「佢咁樣老作『戰功』真係好×無恥，我仲記得上年表決時佢附近連啲民煮（主）黨議員都即刻大聲疾呼話唔使㗎喇（大嚿仲爆埋粗）。何秀蘭嘅政治觸覺咁差，往績又衰（據說2004年佢擊敗葉國謙奪觀龍選區後毫無建樹，4年後更棄區潛逃，留下一片爛攤子），仲要咁厚顏無恥地自稱否決政改有功，不如早早收山，唔好出嚟獻世，阻礙香港本土民主大業發展（當然唔走喇，議席有錢有名銜有影響力，老虎都要爭喇。港島區得返6席？So what?）。」
「Ken Chan」更以《2016應全面放棄工黨》為題貼文，將矛頭指向整個工黨。他稱「港島應放棄何秀蘭，此人公然講大話，鬼，非常無恥；九東應放棄胡穗珊，此炮灰破壞大局，不知九東3：2很重要的嗎？新東應放棄張超雄，民主派若想保住先進人士，就要向激進光譜轉移，即是放棄保守的人；......工黨派炮灰選九東已經叫人好嬲，加上何秀蘭鬼話連篇。所以，我應該會呼籲2016年所有選民全面放棄工黨，佢地（哋）可以話係自己囉（攞）嚟！」 ■記者 羅旦