■林峯和吳卓羲聚頭。香港文匯報訊（記者 梁靜儀）音樂人鄧智偉昨日40歲生日，前晚於中環舉行生日音樂派對，林峯、吳卓羲、黃宗澤、林盛斌（Bob )、苗喬偉（三哥）與太太戚美珍、薛世恆、林夏薇及蔚雨芯等圈中好友均有出席，而緋聞女友高海寧（高Ling）則以黑色低胸露背裝束性感現身。
高Ling前晚不避嫌出席，被問到是否以女主人身份出席？她否認道：「我無送禮物，只同佢講生日快樂，（birthday kiss？）唔需要。」她坦言是鄧智偉親自邀她出席，知道他會有一個小型騷，並會在台上唱歌。問到她會否上台合唱？她說：「唔會，佢至係主角，留返佢表演，我喺台下支持。」當問到鄧智偉是否她杯茶？高Ling竟害羞說：「唔知呀，OK嘅，佢好有才華，人好好。」她又透露是經陳智燊介紹認識鄧智偉，之後也有保持聯絡，當問到是否已在發展中？她只稱對方是好朋友，但可了解一下，又稱自己是對方粉絲來睇騷。
三哥大女苗彤將為今年香港小姐日本外景擔任隨團攝影師，三哥否認有幫女兒穿針引線：「係余詠珊之前去溫哥華時搵我個女幫手，我都O咗咀，我話有咩幫到？（有沒有酬勞？）唔知道，但後生女幾多錢都無所謂，當學嘢，只係一嚟就咁大單！我有問過個女得唔得，但佢話『有咩唔得？』」三哥又指女兒很少替他拍照：「佢乜都影，只係唔影老豆，佢有佢嘅世界。」