■游蕙禎等以「拆大台」為背景自拍。 網上截圖「廉價抗爭」、「食人血饅頭」，由「青年新政」作出「完美」示範。前晚立法會選舉簡介會一片混亂，「本土民主前線」梁天琦向選管會主席馮驊爆粗舉中指，社民連、「人民力量」及「香港眾志」更衝上台搗亂。不過，以不滿「大台主義」見稱的「青政」，就沒有「跟住左膠拆大台」，而是以「拆大台」為背景輕鬆自拍，更擺上facebook炫耀一番，最後惹來劣評如潮，被質疑與傳統反對派「呃Like」無分別，是「食梁天琦人血饅頭」。「青政」游蕙禎見狀急忙「跪低」刪帖，翌日更發表「道歉聲明」，仍難阻大批網民冷嘲熱諷。 ■記者 陳庭佳
「青政」九龍西候選人游蕙禎前晚在出席簡介會期間，在facebook「開心share（分享）」，上載與「青政」梁頌恆、黃俊傑及「天水圍民生關注平台」王百羽等自拍，背景為「人社」及「眾志」等在「拆大台」，更加上一句「加油」。雖然游蕙禎其後刪帖，但自拍照仍在網上廣傳，分享者更包括「香港眾志」林淳軒，未知是否不滿「青政」抽水。
自打嘴巴文句不通 枉讀中文系
面對四面八方徹夜抨擊，游蕙禎昨日終於「跪低」發表「道歉聲明」，稱在會場自拍「極不妥當，亦對事件中所有受害人不尊重，本人謹在此正式道歉。」她稱行為有違自己一直的抗爭原則，自打嘴巴說：「本人難辭其疚（咎），謹以往後的抗爭，向公眾交代我所犯之錯。」
不過，她把「難辭其咎」誤植成「難辭其疚」，「向公眾交代我所犯之錯」更是文句不通，中文水平似乎與其嶺大中文系畢業學歷有出入。
只顧執死雞 惹「本民前」粉絲不滿
梁天琦冇得選後，「本民前」與「青政」合作，但後者立刻爆發「關公災難」，自然引起前者粉絲不滿。「Sukie Koo」批評：「監就梁天琦坐，議員就你哋三條政棍做！」「唐德」就稱：「梁天琦黐咗你哋都唔慌有運行。」
有「花生友」調侃一番，「Julien Yau」提到「最緊要唔做嘢有得執死雞，開心事嚟，一時開心得滯原形畢露好正常啫」。「Ng Kiki」更稱：「唔自拍點知個妝有冇花呀？」
支持游蕙禎的人死撐，「Fai Wong」反問「幾時變到影相係罪？」「Cristian Poon」則認為「在會場自拍關你們×事？」
九龍西直選候選名單還有蔣麗芸、梁美芬、狄志遠、黃碧雲、毛孟靜、譚國僑、黃毓民、吳文遠、劉小麗、朱韶洪、何志光、李泳漢、林依麗及關新偉。
網民「盲撐」「狠批」「抽水」混戰
盲撐
Fai Wong：幾時變到影相係罪？
Cristian Poon：人家已經發了聲明道了個歉就算了吧。更何況在會場自拍關你們×事嗎？影響到你們嗎？
Gavin Lee：真係要小心啲啦，而(𠵱)家小小事都可以引致「本民前」同「新政」戰略結盟失效。會因「本民前」而支持「新政」嘅人，絕大多數都抱住五五波態度觀望中，一輸就會連佢哋對「本民前」原本嘅支持都輸埋。
Edmund Chow：點解要道歉？黃洋達話佢悶到瞓着咗添(𠻹)，都冇道歉。（上）星期六已經證明咗「泛民」只為抽水攞光環扮抗爭，天琦等人冇得選佢哋最開心。
狠批
Sukie Koo：監就梁天琦坐，議員就你哋三條政棍做！乜嘢「勇武抗爭」都無參與過，就想食饅頭入議會做返同「泛民」一樣嘅嘢！
唐德：次次衰咗以為道個歉就無事呀？梁天琦黐咗你哋都唔慌有運行。
Chak Heng Chan：而(𠵱)家講乜都無用，下下要畀（俾）人×先話知錯，3歲小朋友都識做。
Eric Chan：你哋品嚐完天琦饅頭之後就開心地自拍，宣洩完開心嘅情緒就嚟道歉？有冇咁so（着數）呀？游小姐。
Eddy Poon：難辭其咎就自動消失於政壇！「人力」社記上台抗爭 ，你哋在台下自拍，情何以堪？
Wing Lee：天琦喺度頂，你地（哋）喺度×，搞×錯，仲點選你入議會幫我哋發聲，賣樣呀？畀(俾)傳媒捧兩捧，無哂（晒）方向，好×失望！
龍家寶：「青年新政棍」，天琦人血鏝（饅）頭好味嗎？一諗起天琦的票會過晒嚟，有時真係忍唔住笑！
抽水
James Kong： 自拍抗共，自拍建國。
Julien Yau：最緊要唔做嘢有得執死雞，開心事嚟，一時開心得滯原形畢露好正常啫。香港有無民主關你咩事啫。
Cecilia Cheung：阿女，使乜道歉啫，5個人都咁開心，證明真情流露，發達啦！畀（俾）人話賤格咪賤格囉，成個「青政」都係咁政棍架(㗎)啦！不過如果道個歉又執到啲狗公同情，亦都無妨嘅。
Gigi Leung：如果係「泛民」、「左膠」自拍，肯定死無全屍啦，道個歉就搞掂，真係便宜。抗爭現場咁開心打卡，真係好唔小心喎！
Ng Kiki：咁自拍影相又真係唔係錯喎，唔自拍點知個妝有冇花呀？好多貪靚少少港女都會架(㗎)啦，唔好怪我哋港女啦！
資料來源：facebook
製表：陳庭佳