■黃家和去年9月隨特首梁振英（左）往印尼雅加達探討在「一帶一路」政策下香港所扮演的角色。黃家和個性獨立，19歲赴美求學，大學二年級起便靠自己打工及獎學金交學費、生活費，再無向「屋企人攞錢」。畢業後往加拿大搵工，捱過艱辛時光。1981年返港進入捷成洋行，負責印刷機買賣，「7年間差不多將全中國跑遍了。」之後黃家和短暫回歸家族企業，1993年創立「金百加」集團，百分百的香港品牌。
他說：「好多時，我都想將自己的理想好好發揮下，當然可以繼續留在家族企業做落去，但我總覺得非常有必要，靠自己去闖出一樣嘢，所以當時就離開咗家族的企業，自己闖。」
黃家和生於咖啡、紅茶世家，四叔與父親都經營咖啡生意，父親還將紅茶引入香港，並經營多間茶餐廳。他到美國讀書時，家族企業已頗具規模。
「最差時身上得23蚊」
不過，即使畢業後「搵唔到工」，他亦從未向家人開口，而是咬緊牙關度日。「當時最差時，身上只得23蚊。」
「以前華人在加拿大，不像現時地位咁高，去見工，啲公司都要求有加拿大工作經驗。但當時我哋啱啱出嚟做嘢，好難有當地嘅工作經驗，結果搵咗好耐搵唔到工，而且我讀藝術、設計，仲難搵。」他說，「後來搵到份送外賣嘅工，先至逐步改善生活。」
黃家和在意大利餐廳送外賣，由晚上10點做到凌晨3點，其後他又找到一份設計工作，由上午8點做到晚上10點，「曾試過3個月同時打兩份工，日夜不停做。很辛苦，但還是被我捱到，捱過來就冇事了。」
「唔靠屋企人」、「持續不停自我成長」，這就是黃家和的個性。即使後來因父親患癌而要回港陪伴在側，他仍堅持不回歸家族企業，而選擇在香港捷成洋行打工。「我個人比較鍾意向外闖，雖然當時家族生意都唔細，但我都唔會因為咁而返去家族做，寧願自己喺出面體會下，闖一闖。」
他坦言：「希望人生能靠自己，充分發揮自己，包括理想和所學。總感覺有必要經過一場奮鬥，靠自己去闖出一樣嘢。而呢啲對我來講，亦係一個歷練，如果唔去奮鬥過、珍惜過，就唔知嗰樣嘢係幾難得。」■記者 陳文華