■葉老太當年與剛在藍田開展地區工作的柯創盛一拍即合，一幫就幫了對方廿年。莫雪芝 攝年過百歲的長者，還會做義工為社區出心出力，更隨時披甲協助他人打選戰，為的是什麼？藍田葉陳開老太的答案很簡單：「幫到人好開心。」年輕時飽受戰火蹂躪、來港後生活捉襟見肘的她，深知香港現在的繁榮穩定得來不易，當然會「帶眼識人」：她與當時剛在藍田開展地區工作的柯創盛一拍即合，一幫就幫了對方廿年。眼見「柯仔」由「二十幾」做到「四十幾」，由社區主任到現在競選立法會，葉老太找到了她的「Mr. Right」，一臉滿足，但她「警告」道如果「柯仔」當選後在立法會搞破壞，「我就實郁你」，反映了她對議會拉布流會成風、社會發展停滯不前的憤慨。■記者 朱朗文
葉老太的身份證僅顯示出生年份為1916年，即今年已屆100歲，「不過我報細咗兩年。」有些長者到70來歲已經變成「老懵懂」，甚至不記得昨天晚飯吃過什麼，她卻是例外：「我記得好多嘢喎，我做咗幾多年義工都記得啦，35年。」
「幫到人好開心」 與柯一拍即合
葉老太近日在接受本報訪問時憶述，她1981年時住在舊藍田邨，一有空已到樓下的藍田街坊福利會老人中心幫手，還記得自己包䐓u包咗兩個第一（獎項）返嚟」。1993年，藍田邨拆卸重建，她搬進廣田邨現址。3年後，柯創盛開始在廣田邨服務，自此兩人結下不解緣。她更成為柯辦的「大內總管」，不時現身打理大小事務。
這些年來，葉老太一句辛苦都沒有嘆過，只知道「幫到人好開心」，久而久之，身邊人也被她感染了。現在她的女兒見到有長者買完菜「一袋二袋」，會主動替他們去拿，甚至邊寒暄邊送他們回家。
憶昔人情味 嘆今爭拗多
她這種守望相助的精神，大概是從艱難環境中培養出來。日本於上世紀30年代侵華，1938年廣州淪陷，當時只有20多歲的她，與丈夫及年幼孩子走難來香港，「嗰陣直頭係淒涼！擔埋幾件衫、擔埋棉胎走走走，走落嚟。不過出咗（廣州）城幾日，日本仔就炸咗條火車橋，無得行，我哋算好彩囉。」
葉太一家來港後，丈夫在太古船塢找到了一份木工，每個月有90多元工資，一家更可住在員工宿舍，看似比下有餘，其實不然：「一間屋住四五伙人，仲要無呢度（400多平方呎）咁大，張床喺牆邊，過兩步就係食飯枱嘞。」擠迫如此，想必拗撬多過食飯，答案卻出乎意料：「佢哋好好人呀，從來都無嗌過交嘅，試過差5蚊唔夠錢買餸，同隔離房借5蚊，佢又肯喎。」
當年環境雖差，但周圍都是機會，人與人之間更會講人情、懂變通、「唔啱講到啱」，這些都成就了香港的經濟和社會奇跡。現在社會撕裂，爭執不絕，葉老太不禁嘆煩，「再唔搞好香港，下嗰兩代都幾辛苦，乜都無！嘈吵又唔係自己得益嘛。我無所謂，我仲做得幾多日人啫？但啲後生有所謂嘛。」
讚「柯仔」叻又醒 「有事佢即到」
她更批評某部分立法會議員帶頭教壞細路：「唔啱就掟嘢，最衰都係嗰3個衰人，黃毓民呀、長毛（梁國雄）呀，仲有大大分嗰個（指陳偉業）。我家陣都無睇電視啦，睇都唔想睇，一講唔啱就掟蕉掟紙掟牌，唉，呢班死發瘟吖！」她越講越激動，更指着在旁的柯創盛：「如果你係咁，我就實郁你！」
「柯仔」連忙答道「唔會、唔會」，葉老太也為他說說好話：「識佢成廿年，佢講嘢多做嘢又多，講嘢唔會得罪人，個個都話柯仔把口好叻，做嘢又醒目，一打電話話有事佢即到！成條邨都企企理理。」
葉老太一直為柯創盛仕途着想，更曾向其師父陳鑑林「犯顏直諫」：「你生長啲對腳啦！行落去觀塘呀、油塘灣呀、牛頭角呀、黃大仙呀，行多幾步，行多啲識多啲人嘛！我（近年）見到陳鑑林我就話佢喇，『陳鑑林，十幾廿年都係你（做立法會議員），你幾時退休呀？好畀啲後生仔上喇喎！』」
得到「天字第一號」義工力撐，「柯仔」感激不盡：「佢一路都想我更上一層樓，走出呢條邨，為成個九龍東甚至全港市民服務。」