■Norris對融資做生意獨有一番見解。 張偉民 攝所有家長皆望子成龍，不過對於子女投放一大筆資金創業，擔憂亦在所難免。股東之一的Norris雖然早有創業經驗，但家人對他今次投資車房仍然抱有懷疑。「我媽說，有錢點解你唔攞去買樓呢？我當年（開茶餐廳）已經被她鬧到『反艇』。」
「我阿媽是穩陣（派）的人，初頭就算我做金融業，佢都覺得點解不做銀行；因為我以前讀Engineering（工程），她問點解不做Engineer（工程師）。」不過即使媽媽不喜歡Norris做的決定，仍然會給予支持。
另一名股東Thomas的家人則非常贊成他創業，「我阿爸覺得什麼都應該試下，因為趁後生，你無理由到30歲、40歲才去搏，我爸好不鍾意人打死一世工」。Thomas坦言，對於家人全力支持亦曾感到驚訝，因為家人一向對汽車零接觸，但經過今次的創業，亦令家人慢慢了解到當中的發展潛力。
