■張繼聰(右二)手上有傷痕。香港文匯報訊（記者 梁靜儀）周柏豪、連詩雅（Shiga）、張繼聰、雨僑及林盛斌等，前晚出席電影《西謊極落之來自太空艙的你》煞科宴，柏豪表示將於十月八日參加賽車明星賽，屆時會與郭富城及錢嘉樂、方中信等前輩出賽，感到很興奮。
柏豪表示現已積極練車，亦知賽車有危險性，所以會做足安全措施。他說：「唔係最快等於贏，到終點至係贏，（明星賽同郭富城鬥？）本身唔知有佢，好興奮，好似仲有錢嘉樂同方中信，所以好緊張。」問到他可有載女友遊車河當練車？柏豪說：「唔會，同女友一齊唔可以太快，喺道路上快係一件危險嘅事，所以盡量小心，之前單手揸軚盤以為好型，原來最安全係要兩隻手揸軚盤。」至於女友會否擔心他？ 他笑說：「冇人擔心我，可能大家對我有信心，反而自己擔心，所以買重保險。」
張繼聰近日忙於拍另一套新戲，前晚趁有空檔趕來活動，提到手上的傷痕，阿聰指剛拍完劈人的戲份。問到他要忙拍戲，豈不是沒有時間陪懷孕的太太謝安琪（Kay）？他表示不用開工便陪太太，又透露太太佗B頭三個月因BB頂住個胃吃不下東西，現時情況已好轉，有時她想食車仔麵，都會由新界駕車去港島過兩條隧道食車仔麵，當作是拍拖，都很開心。相隔近十年再做爸爸，以為第二次沒有那麼感動，但每次看到B女超聲波日漸長大都很感動。
問到兒子可接受到快將有妹妹？阿聰又笑指早前一家人去睇中醫調理身體，醫師指他的兒子有肝鬱，又問他是否有心事？阿聰笑說：「兒子喺屋企張天王椅坐咗十年，佢可能覺得係時候要讓位，所以我成日輔導同開解佢，相信到妹妹出世就會無事。」