■黃之鋒忽然爆料稱，有人指羅冠聰是「負資產」，黃浩銘即「自首」，卻稱只是說過羅冠聰勝算低。 資料圖片黃之鋒爆同道勸阻出選 黃浩銘衝出來認
「香港眾志」（中箭）主席羅冠聰當選立法會議員，邊個最眼紅？「中箭」秘書長黃之鋒（河童）近日接受訪問時，爆出「一名現時已落選的社運界人士」今年1月曾對他說，羅冠聰是「負資產、沒機會勝選」，籲黃之鋒聯同黨友阻止羅出選。正當大家紛紛揣測之時，社民連黃浩銘衝出嚟認，但稱自己只講過羅冠聰勝算低，並無說他是「負資產」。雖然唔知「負資產」係黃浩銘講定黃之鋒自己意會，但兩人最終都俾網民鬧，有人話黃之鋒「小氣」和「陰濕」，亦有人鬧黃浩銘「心術不正」。 ■記者 鄭治祖
立法會選舉過後，社會焦點一下子集中在當選者身上。當初因帶頭參與「佔中」風頭「一時無兩」的黃之鋒冇份參選，自然鮮有人過問。他早前接受《香港01》專訪時，為博出位再次抽選舉油水，爆出今年1月初，「一名現時已落選的社運界人士」私下對他說：羅冠聰是「負資產、沒機會勝選」，籲黃之鋒拉攏其他黨友阻止羅冠聰出選。報道又指，黃之鋒稱事件令他「深感震撼」，還稱原來由社運跳落政圈，「人會唔同咗」，又稱此事提醒自己不要成為這種人。
河童被批爆陰毒有先例
網民對黃之鋒此時的「爆料」毫不買賬，紛紛指羅冠聰若非「雷動計劃」，根本不會當選。「Cary Cheung」說︰「唔係『雷動計劃』羅冠聰贏條毛呀？後生仔咁×小氣？」「Pak Chai」就說，「黃之鋒呢（啲）陰陰濕濕野（嘢），都唔係第一次聽聞。」「Brian Yu」就揶揄他：「子峰（之鋒）哥咁快就出位到加辣爆料呀！不過時間上係唔係過咗啲時呢？」
另一方面，黃浩銘前日在網台D100的節目上，就承認黃之鋒所說的「社運人士」是自己。他解釋稱當時只講過羅冠聰在港島勝算低，提出港島區應由「人力」參選，並未稱羅冠聰「負資產」。到底「負資產」係唔係黃之鋒自己對羅冠聰嘅印象呢？就不得而知。
黃浩銘被嘲出口反落選
工黨鄭司律在facebook評論事件時，諷刺黃浩銘稱：「被話無機會者跑出，出口者反而落選，本身幾諷刺。無論係一時口大，抑或心術不正都好，其實有時互信嘅野（嘢），就係咁樣無咗。」「Benny Chung」就嘲笑黃浩銘敗選：「黃浩銘真系（係）垃圾不如，肥老（佬）黎（黎智英），「雷動」，又有大舊（「大嚿」陳偉業）抬橋都輸。」「Thomas Leung」只言︰「成王敗寇，六合彩都有人中，還想講乜？」