■曾國祥(右二)獲多位好友支持。香港文匯報訊（記者 梁靜儀）曾國祥執導的電影《七月與安生》前晚於觀塘一間戲院舉行特別場，衛詩雅、陳家樂、麥子樂及方皓文亦有到場支持外，國祥的媽咪亦有入戲院捧兒子場。
影片在下月舉行的台灣金馬獎中獲七項提名，其中曾國祥獲提名「最佳導演」，問他得獎信心？他說：「係零信心，女友雖然有鼓勵，但眼見其他導演咁犀利，自己連有份提名都冇諗過。」他又稱仍未揀好戰衣，但到時會帶女友王敏奕與爸爸及家姐曾寶儀齊齊行紅地毯。問到爸爸對他有何贈言？他說：「佢叫我小心啲下一部戲，唔好急，慢慢嚟，因為好多其他劇本掟過嚟，要小心考慮，唔想為拍而拍。」
衛詩雅表示一直很想睇《七》片，對於影片題材涉及女同性戀，她回想起中學時期有一位同性好友，大家更好得經常去對方屋企一齊瞓覺及一起洗澡，出街亦會拖手。她指之後大家都有男朋友，但都會互相呷醋，詩雅說：「她的地位連我男友同老公都不能代替。」她指現時這位朋友亦有去她屋企過夜，問到是否仍一起洗澡？她笑說：「我肯，如果對方提出我都會答應，因為佢係一齊成長嘅伙伴。」問到詩雅可有問過好友是否鍾意自己？她說：「有問過，我仲話如果大家搵唔到男朋友就一齊生活，但大家都知唔係嗰回事。」