■黃澤禮在工作上提供很大自由度予同事發揮。黃澤禮在2007年加入ZUJI香港，出任財務部經理；2009年升任為總經理；並於2013年5月躍升為行政總裁。踏入第10個年頭，黃澤禮表示，讓他留在ZUJI香港多年的原因是與同事有良好的關係，「大家都好鍾意大家，我唔知大家鍾唔鍾意我啦，但係我相信咁多同事留低嘅話，我都唔應該太差嘅」。
多年來與ZUJI香港共同成長，背後少不了一群同事的支持，黃澤禮表示，同事間遇到困難會一起面對，有成功亦會共同分享。有些上司喜歡推行高壓政策，有些喜歡與下屬打成一片，黃澤禮就是後者，平時坐在玻璃房內的他甚少擺出架子，甚至會主動清潔辦公室，「我未聽過同事覺得我嚴厲，有咩事件發生，我啲同事會係位大嗌入我房，我哋唔會好拘謹」。
除了與同事打好關係外，在工作上黃澤禮亦提供很大的自由度予同事，「盡量畀多d機會同事，畀佢哋去發展，我就唔會話拖住佢隻手一定要咁做」。他指自己傾向給予一個清晰的方向和目標給同事，然後就會放心地放手予同事做。
「我返咗工第二日，我呀仔就出世，我都係離開辦公室幾個鐘」，問到在ZUJI香港任職期間有否遇到難忘人生大事，他立即想起細仔出生的時候，他剛加入公司，並笑指仔仔有多大，他就在ZUJI香港工作了多久。當時，還是公司新人的他，只是在太太分娩當日從繁忙的工作中抽出數小時陪伴太太，「我唔會覺得我係一個工作狂，工作係需要我做嘅時候，我就會去做」。幸好，太太明白事理，沒有因此「詐型」，而當時亦有其他家人可以幫忙照顧太太和仔仔。