■溫碧霞一家三口在峇里島享受陽光與海灘。香港文匯報訊 正當大批藝人湧到北海道過聖誕，溫碧霞（Irene）就反其道而行之，與老公Kenneth、囝囝Xavier，以及家人朋友大夥兒抵達峇里島享受一個充滿陽光與海灘的火辣聖誕。
Irene心情靚極地透露：「平安夜同聖誕節我哋過得好開心，有我好鍾意嘅大海同陽光，雖然呢度冇落雪嘅白色聖誕，但我都寧願揀充滿熱情嘅峇里島，喺海邊踩單車實在太舒服啦。我哋仲參加咗好多聖誕派對，收到又送咗好多聖誕禮物，玩得好開心，所有小朋友同大人，每人都送了一份聖誕禮物，我都收咗超過40份禮物。」
問她聖誕禮物都是由香港帶去峇里島？她說：「一部分係香港帶過去，有啲喺當地買，小朋友都是送文具、顏色筆及畫簿、Lego，大人就送香水、香薰、銀包，單是帶來送畀大家的聖誕禮物，都佔了一個大喼。」Irene對每個節日都很重視，她坦言平時幾辛苦工作都不要緊，最重要是每逢節日都能陪伴家人度假，就是最開心幸福和滿足的事。