■張國鈞在fb上貼出一張沉思圖，來揶揄羅冠聰幫民建聯「加友」。 fb截圖反對派一出事就入民建聯數？日前因有巴士未埋站就上落客被警察抄牌，引起部分車長不滿而發起巴士「排隊埋站」行動。「躺槍」的銅鑼灣區議員伍婉婷明明不屬任何政黨，但「香港中箭（眾志）」立法會議員羅三七（羅冠聰）二話不說就入民建聯數，在facebook發帖稱「民建聯成功爭取巴士司機被票控」，被踢爆係屈民建聯後，其後才悄悄將「民建聯」改成「建制派」當無事。民建聯立法會議員張國鈞前日亦在fb上貼出一張沉思圖，並寫上「民建聯灣仔幾時多咗個區議員，連我都唔知嘅呢？」並加上hashtag（主題標籤）揶揄羅三七謂︰「羅冠聰成功爭取伍婉婷加入民建聯。」
羅三七在剛過去的周日夜晚發帖稱：「民建聯成功爭取巴士司機被票控」，至翌日早上再將「民建聯」改成「建制派」，但其帖文下已經滿是指責民建聯的留言。老屈完人哋再鬼祟改post但唔道歉係咩玩法？唔使問得咁白啦啩？
伍婉婷促打擊違泊被曲解
除咗民建聯，伍婉婷同樣都俾羅三七砌生豬肉。有關帖文仲寫「的士可以亂泊」、「多議（謝）伍婉婷議員」、「下次投票睇路」。事實上，伍婉婷上星期二已經向發展規劃及交通委員會提出書面質詢，要求警方加強執法，票控違法逗留車輛，邊有人話「的士可以亂泊」呢？
除咗羅三七亂鬧，張國鈞個post都有讚網媒《100毛》「知錯能改」。睇返《100毛》嘅post，一開始都將件事入民建聯數，其後先再出post澄清伍婉婷係獨立區議員。 ■記者 甘瑜