■郭富城聯同車隊法籍車手Olivier Lombard為戰車FRD LMP3 主持揭幕儀式。香港文匯報訊（記者 梁靜儀）郭富城（Aaron）昨日現身珠海國際賽車場出席車隊成立發佈會， 正式宣佈車隊命名為「富盛車隊」， 並聯同車隊法籍車手Olivier Lombard為戰車FRD LMP3 主持揭幕儀式。Aaron表示「盛」字有開枝散葉的意思，而個人開枝散葉都同樣重要，坦言正在計劃中。
郭富城昨日於珠海國際賽車場泛珠三角超級賽車節，宣佈以車隊經理身份將帶領「富盛車隊」出戰極速先鋒系列賽。 問到車隊投資了多少錢？Aaron笑說：「有投資， 自己投資晒落去，車隊呢個夢想一直好想實現， 今次亦有親身選拔車手，除了法國車手Olivier Lombard外，亦會選拔其他中國車手，（要有什麼條件，可要似你咁靚仔？）要有潛質， 好似Olivier來自法國浪漫啲，技術好，揸車快， 吸引年輕女車迷。」Aaron透露車隊將出戰極速先鋒系列賽，但要以工作行先，若遷就到檔期，會將精神及力量賦予車隊， 要是自己可參與一份都是賺了，賽車技術都提升， 吸引更多觀眾支持，但至今仍未有機會試LMP3全新車種，首場賽事將於5月開始，希望5月初可以試車。
認賽車技術不及小志
說到林志穎（小志）亦有車隊落場參加極速先鋒系列賽， Aaron表示自己亦好期待，之前大家因拍攝真人騷《 我們十七歲》而成為好友，知道他熱愛賽車活動，自問技術不及他， 都有向他請教賽車上的事，他得意的說：「我唔知小志請咗咩車手， 但今日佢知我請咗個後生靚仔車手，夠晒煞食，（約小志鍊車？）睇緣分喇，相信同場會較量，我技術一定冇小志咁好，呢個係事實。今次同小志較量，我會傳短訊叫佢唔好揸咁快。」
車隊名紀念爸爸
問到他如此熱愛賽車，媽咪及女友可擔心？他認為賽車反而安全：「 喺賽道永遠唔會有對頭車，唔會有人飲咗酒揸車，會做好安全措施，有專人指示，比馬路安全，都賽咗咁多年，朋友家人都習慣晒。」他又透露車隊首次出賽，都希望女友方媛能出席打氣， 但他還要拍電影，未知能否落場。
台上Aaron提到車隊名時，表示「盛」字有開枝散葉的意思， 他指還有另一意思：「盛字係紀念以前爸爸金行個名，有一種傳承的意思，唔單止自己，還可以孕育好好嘅年輕車手，至於個人開枝散葉都好重要，plan緊。」
另外，曾在電影飾演步驚雲的Aaron，問到可有留意鄭嘉穎在舞台劇中的步驚雲造型？他反問：「 步驚雲有好多造型咩？冇睇，但我同謝天華、阿譚（譚耀文）都係好朋友，祝舞台劇演出成功。」
