【資料速遞】太陽喜喜關照徒弟

2017-03-24

今次賽事有新見習生潘明輝登場，其實上周田草賽事中已見小伙子與師父賀賢一齊入場，了解整個香港賽事程序，今次十場賽事，小伙子立即有唔少坐騎而且質量俱備，賀賢提供「搵銀天皇」、「福愛寶」、「勤德兼備」及「太陽喜喜」，其他房提供有方仔「舖舖旺」、霍廄「上浦猛將」及大摩「花月流星」、「銀城福星」和「凱旋之星」，隨時可旗開得勝，大摩最近十年八載已冇再收徒弟，當今其副練王志偉係最後一位門生，今次忽然與十磅仔潘明輝合作，能否立即擦出火花就後話，起碼佢都認為呢位小伙子身手真係有番咁上下。研究過潘明輝各駒機會，以賀賢隻剛跑亞軍的「太陽喜喜」最具冠軍相。