與一批「自決派」立法會議員在選舉中投白票的社民連議員「長毛」梁國雄，昨日在特首選舉結束後，為自己「錯判形勢」而道歉，又呼籲各其他反對派選委「抹去」過去的分歧，一起到中聯辦外示威。不過，投白票的朱凱廸及邵家臻就堅稱「我哋冇做錯」。不少「黃絲」鬧爆眾人剛愎自用、死不認錯。
梁國雄此前不斷批評撐曾俊華的反對派選委。昨日在「民陣」的遊行後，他聲稱自己以往擔憂中央支持曾俊華，倘加上「民主派」的支持會造成「天下無敵的候選人」，現在要為自己錯判形勢而正式道歉。他其後在fb則聲稱，「要和解的話，下個禮拜發動群眾去中聯辦，......聽住，所有叫我去死嘅人，下個禮拜一齊出嚟，我哋要起死回生。修補裂縫係多餘嘅，大家一齊為新嘅抗爭做嘢，唔使等七一，下個禮拜就做！」
投白票的社福界議員邵家臻稱，「好多人話識錯我......我相信我嘅原則，我冇做錯。」「香港眾志」主席羅冠聰堅稱，反對派「全押」建制派成本太高，故自己堅持投白票。朱凱廸則稱自己對「民主陣營」鬧交感到「好難過」，又稱「民主派」一定要「企穩」云云。
他們的一批支持者就出聲撐。「Mensa Fung」稱，「長毛你冇做錯到，就算你投唔投票林鄭都過半，這是假選舉。由始至終我都認同你想法，唔明你既（嘅）人由得佢地（哋）唔明，日久見人心。」「李冠榮」稱，「呢班人真係好恐怖，又係你哋笑建制派選委投票時冇自由意志，而家長毛，羅冠聰，朱凱迪（廸）佢哋用自由意志投票又比（俾）你哋×，咁即係點呀，你哋講×晒啦！」
知名「左膠」林忌也有發帖批評梁國雄，社民連副主席黃浩銘即留言反擊。林忌狠批，「梁國雄自己都出來認錯判形勢，朱凱廸同一眾左翼居然出來話梁國雄冇錯，道歉只係『客氣話』。偉大的左翼永遠都冇錯，錯的係市民，對唔住呀偉大政客，我地（哋）辜負左（咗）你地（哋）呀！......佢班『兄弟』，卻好似擔心佢唔死，曾偉雄上身--『你地（哋）冇做錯』，甚至反過來鬧人，這就是左膠圍爐死不錯認（認錯）的後果。」
網民譏圍爐 「唔死都冇用」
不少網民也留言大罵。「Judy Tsui」稱「梁國雄雖然剛愎自用，但都懂say sorry」，而標註是「朱凱迪（廸）唔死都冇用」。「Kathy Fung」稱，「你自己慢慢抗爭啦，一個與民意反對的選委同行抗爭，Sorry lor（囉）阿哥 we can't support you！」「Taro Lee」揶揄道，「再信你班政棍，我會自己去驗腦！」 ■記者 羅旦