■鄭裕玲香港文匯報訊（記者 梁靜儀）鄭裕玲(嘟姐)與與伍家謙昨日到銅鑼灣出席活動， 提到她最近迷上的韓星孔劉將於五月來港舉行見面會， 問嘟姐到時會否去見偶像？她說：「睇吓買唔買到飛啦， 如果到時唔喺香港就無緣！」嘟姐又談到近年對飲食要求十分高，更戒吃消夜：「 近年我都係做主持工作多，都冇乜需要開夜， 所以我冇食消夜十五年，同埋𠵱家好少飲酒，因為近年飲完， 第二日都仲好似有宿醉會頭暈，同埋怕肥，所以最多飲一、兩啖。」 她又笑言自己很有定力，不怕朋友深夜在社交網站發放美食相片。
談到工作，嘟姐透露稍後會去拍《Do姐再Shopping》， 會同農夫、黃翠如、蕭正楠，去三個不同地方拍攝， 不過因為蕭正楠夾唔到檔期，所以會同翠如分開去。 蕭正楠曾呻過因拍攝這節目而打亂了與翠如的旅行計劃？嘟姐笑說： 「叫埋翠如嚟，歡迎佢出現，唔好攞咗假都冇得玩，（ 有傳他們去秘婚？）我們拍節目果時？好呀，等我拍啲嘢返嚟。」