■「黃絲」揚言要清算「白票黨」。 fb圖片等於阿彌陀佛一樣，當初話林鄭月娥當選後會成為「撕裂2.0」，其實都係口號嚟嘅啫，真正製造撕裂嘅人似乎都係「黃絲」囉，唔該！「自決派」立法會議員之前俾人捧上天，但因為在今年特首選舉中，唔肯同其他反對派「造王者」一齊投票畀候選人曾俊華，即時被「黃絲」清算。有人更發起所謂「向白票黨說不」行動，誓要將拒絕「造王」的「自決派」趕盡殺絕。不過，既然「自決派」咁鍾意借「非黑即白」來挑動社會矛盾，今次只可以講係自作自受囉！ ■記者 羅旦
「自決派」因為唔投曾俊華而被「黃絲」狙擊，其實都不可以怪薯片叔叔，只能夠講「自決派」最鍾意玩二元對立，只係「出得嚟行，遲早要還」啫！為狙擊他們口中的「芒果佬」、即前立法會議員黃毓民而成立的fb專頁「芒向報」，近日就針對在特首選舉中投「白票」而唔肯投曾俊華的「自決派」，搞咗個「『向白票黨說不』運動」。
不追蹤不轉帖不捐款
該專頁聲稱：「今次特首『小圈子選舉』，民間本來已凝聚了一股『反西環操控』的龐大力量，卻因為『白票黨』的所作所為，破壞了這一股反抗勢力，對『民主派』的撕裂己（已）經接近毁滅性地步！為了替整個『民主派』止蝕，我們希望修補撕裂，讓『民主派』休養生息，累積實力再作抗爭，所以我們提出 : 不再與『白票黨』爭論，不分享帖子，不追踪（蹤）他們，亦不再支持他們，當然包括捐款。他們在關鍵時刻以原則做理由投『白票』，我們則發起『向白票黨說不』行動，以沉默作無聲抗議！」
「人力粉」籲以票趕絕
該帖話歡迎大家轉載，會計界選委、前立法會議員譚香文就在自己3個實名fb戶口轉發並貼文「請廣傳」，另一「黃絲」專頁「佔領中環」轉發了該帖子。前「人民力量」支持者鄭詩陶，連日發帖批評所謂「自決派」，「如果真心相信焦土政策、真心要按原則投票、反對lesser evil的話，咁就應該放棄立法會選舉。任由建制派議員拎足三份（分）二議席，分組點票過半好了。至於我，從來都係講有效行先，原則唔一定係絕對嘅。所以，我會留意補選的情況支持認同策略派原則嘅非建制政黨。完！」
他在轉發「『向白票黨說不』行動」的帖子時則稱，「其實『票債票償』都無乜意思，直情將呢班人排除選項，安心做隻『港豬』就最好。」
社會撕裂是誰造成的？唔該你睇完之後話我聽啦！