■張雷香港文匯報訊 ( 記者 梁靜儀)張雷、袁潔儀、郭政鴻、陳麗雲、余香凝、梁健平及吳耀漢等，昨日到觀塘出席港台劇集《申訴II》首播禮，台上眾人分享劇中角色。近日張雷被踢爆與拍拖多年圈外女友鄭淑儀入紙申請註冊結婚，台上司儀亦有恭喜他，張雷就笑說：「估唔到傳媒炒作你都信。」之後張雷受訪時，被問到是否沒想過會被傳媒踢爆入紙申請註冊結婚？他說：「我自己都近乎唔知，係有人幫我登記，有傳媒致電問我至知原來有這事。」他謂與女友拍拖四十年，從來沒計劃過結婚，今次主要是有朋友在婚姻註冊處工作，他笑說：「我個朋友經常提醒我幾時好日子同有期，佢同我女友都熟，女友都有問過我，我話你喜歡就搞啦，可能佢入了紙，之後傳媒打畀我至知道。」他強調是有應承過女友，並非對方自作主張。
張雷笑指女友現在知道很麻煩及有壓力，問到是否想給女友一個名分？他說：「大家一齊咁多年，唔覺得名分係乜，覺得唔重要，大家都幾開心咪得囉。(為何會結婚？ )我一向唔抗拒，但又唔會爭取，因為唔係好重要，不過儘管試吓又無妨。」至於婚禮不會大搞，咁多年來多次小搞加起來已是大搞，兩家人一向關係又好好。笑問到女友會否已經訂了酒席？張雷即說笑：「唔好嚇我，我真係有朋友做酒樓，畀你們一言驚醒夢中人，要打聽吓。」
他透露大日子會在本月廿幾號，正確日期就忘記了，但已度了幾小時出席，如果唔畀期就再登記過。他又笑指當日簽紙結婚就當是拍場戲：「證婚人我做過好多次，（新郎）有張紙要讚咪當劇本對白咁讀。」笑問他那天的戲服是否已準備好？他說：「睇當日心情，唔會太隆重。(可有影結婚相？) 唔影婚紗相，拍戲影過好多，影落一千幾百張，平時同女友都影了好多相，(太太會唔會覺得你冇誠意？）唔會，佢話乜我都OK。」至於度蜜月地點，他表示沒有刻意計劃，覺得去元朗都可以當度蜜月，搭飛機反而唔環保。