■馬國明、楊明和蔡思貝於劇中有微妙關係。香港文匯報訊（記者 梁靜儀）馬國明、蔡思貝、楊明、敖嘉年、黃嘉樂、何遠東及王歌慧等，昨日出席無綫劇集《心理追兇Mind Hunter》宣傳，台上眾人分組玩遊戲緝拿真兇，不過思貝就劇透，暗示真兇其實是沒有出席的王君馨，而近日與黃心穎戀聞傳得熱烘烘的馬國明，在台上被司儀取笑他春風滿面。
馬明事後接受訪問時被問到被指春風滿面，他就笑說：「佢講啫！日日開工點春風滿面？(日日對於心穎開工拍《宮心計2深宮計》所致？)我同Edwin(蕭正楠)多些，呢排同心穎少見咗，未叫心穎捧場呀。」
在《心》劇中馬明飾演心理學家，他覺得今次很有發揮，因為他聽過觀眾指他近兩年多是演搞笑戲多，而今次個劇就會比較謹慎及要思考，因為他女友湯洛雯被人害死，他經常沉溺在見到女友的幻覺當中，愛得有少少恐怖。問到現實中可有試過沉溺於舊情？他說：「現實未試過咁深情對女仔。(將來呢？)唔知，到時話你知，呢個戲都愛得好恐怖。」說到湯洛雯日前因工作壓力而暈倒，之前連踩廿幾小時的馬明，表示會去做運動、睇戲、食飯來減壓，問到是否拍拖也可以減壓？他笑說：「都係，其實同家人一齊都可減壓。」
靠大喊大笑減壓
蔡思貝玩遊戲時被指是兇手，但她表示真兇其實另有其人：「兇手今日沒來！」問到是否王君馨？她只說：「君馨出咗埠，（出埠去結婚？）好似係工作，真係唔清楚！但只佢好忙。」問到可會羨慕對方？她說：「呢一刻冇，呢刻中意工作多一點，婚姻同工作係可以並存，做好工作就開心。（有冇拍拖？）唔知呢！」說到湯洛雯日前在街上暈倒，思貝表示不知對方有事，但指做這行壓力相信不小，可能作息時間不夠，有時會見暈及有耳鳴，而她的減壓方法就是喊，會大笑大喊、聽歌及做運動。問到身喊得多唔多？她笑說：「我係水瓶座。」
楊明認定莊思明
楊明與莊思明轉眼已拍拖一年，日前兩人分別在社交網上載甜蜜合照，其中一張相楊明更錫女友面珠。問到如何慶祝拍拖一周年？楊明笑說：「好似好耐，都係求其兩個人食餐飯，那個地方係一個同事開的韓國餐廳，去年開始拍拖時都係去呢間餐廳。」至於禮物，他透露送了小禮物，而女友就送了心意卡。問到何時送戒指？他說：「未plan，(認定對方？) 我應該係，但唔知女友係唔係，但我都feel到大家一齊開心。」他又稱家人沒有催婚，而他覺得兩個人開心就是。笑問到來求婚是否也在同一間餐廳？他笑說：「畀你估到，要諗過第二間。」