■站在超性感的陳雅思旁，黎耀祥(左二)、黎諾懿(右一)都目不斜視。香港文匯報訊（記者 梁靜儀）黎耀祥（祥仔）、黎諾懿、丁子朗、應屆港姐季軍陳雅思及麥美恩，昨日出席無綫節目《歎得好健康》記者會。節目內介紹各式溫泉，會上更播放陳雅思於節目中穿比堅尼的片段，祥仔更坦言拍了這麼多天，已經見慣這位女拍檔比堅尼上陣，又爆太太有畀意見陳雅思。
祥仔在節目中要浸溫泉，他指未試過在節目中如此裸露，問到可要keep fit？他笑說：「反而要食多啲，等其他拍檔顯得fit啲。」他又自爆曾與諾懿一起赤裸浸溫泉，為了尊重日本溫泉文化只以毛巾遮下體。問到見到諾懿赤裸？他笑說：「OK啦，他連仔都有了，仲要問？（陳雅思比堅尼上陣令你們目不斜視？）拍咁多日，見慣啦。（老婆有冇呷醋？）佢都有畀意見陳雅思。」
黎諾懿不想剪臍帶
祥仔表示都忙於為《風雲》5D音樂劇綵排，公演在即也感到有點緊張。談到謝天華的聶風造型備受批評？祥仔認為舞台劇妝一般比較濃，在電視上就會顯得誇張，加上個風機才出事，相信在舞台演出冇問題。問他覺得天華還是鄭伊健的造型較型？他就笑說：「伊健嘅造型係廿年前，我廿年前都靚仔啲啦，我都擔心自己演泥菩薩唔使爛臉，會被批評型得滯！」
快將榮升父親的黎諾懿，表示太太預產期是4月16日，而前日陪太太做產檢，醫生指BB足磅及周數足，隨時會出世，所以太太未必能如願順產。他謂太太叮囑他一定要睇到BB出世，所以要留意住手機。問到會否親手剪臍帶？他說：「老婆都知我怕滑潺潺同血淋淋，到時又要拍片，怕兼顧唔到，希望博大霧趁老婆痛緊時叫醫生剪咗去。」他又透露太太日前拍了大肚寫真。
陳雅思考慮影寫真
穿上紅色吊帶低胸裙性感現身的陳雅思，在節目中以性感比堅尼出鏡，受訪時她表示因要介紹溫泉，拍攝節目前也有勤做sit up，很多朋友也有截圖給她。她又否認想做「新咪神」，但不介意行泳衣騷。 問到可會考慮拍寫真？她笑言會考慮：「原本都冇諗過，但現在可以考慮吓，（身材弗過選港姐時？）嗰時壓力大，太瘦了。」