■湯怡香港文匯報訊 ( 記者 梁靜儀)湯怡早前不小心將男友洪卓立（Ken）的全部新人獎丟掉，她說：「擺咗幾年的東西，以為冇用，我完全冇打開就掉，仲掉咗喺隔兩條街的垃圾房，因為比較大件同重，費事姐姐搬。」她指當晚男友知道她一個獎都冇留低時，就好驚慌地走去垃圾房搜尋，但已經關門，令她喊晒口，不知如何面對男友。記者笑指她也擺了幾年？湯怡搞笑說：「冇所謂，咪掉囉，睇吓邊個掉邊個。」他指男友不單沒有為此發脾氣，自己唔開心之餘還安慰她說可以再拿獎，但她明知這是不可能，於是翌日又再去垃圾房，但工人指已送到堆填區。問到男友此舉是否加分？她說：「佢加分之餘令我更加內疚。（你兩個組成新組合再拿新人獎？）唔好啦，我唱歌唔得，佢跳舞係咪？唯有令佢更有動力去拎獎。」她謂之後跟媽咪提起這件事都忍唔住喊。問到阿Ken可有喊？她說：「見唔到佢喊，但見到佢比較sad。」她承認是自己一時大意，如今會再三檢查才掉垃圾。問到如何補償？她說：「唯有煮餐飯氹吽A（獎有冇影低相？）有影遺照。」