![■黃翠如、楊詩敏、蘇伊俊出席活動。](http://image.wenweipo.com/2017/04/03/a29b.jpg)
香港文匯報訊(記者梁靜儀)黃翠如、楊詩敏(蝦頭)與籃球員蘇伊俊昨日到中環出席銀行活動,翠如自言不擅投資,只會將錢存放在銀行,連定期也沒有做,被朋友指她冇用。翠如表示以前幫人補習已開始儲錢,但越儲就越困難,因為物價升,錢就好像一路貶值,至於儲了幾多位數就不講了。問到是否小富婆?她說:「未應付到首期就知唔係,識我的人都知我好慳,一直以來好叻儲錢,好叻唔使錢。」有意買樓的翠如,被問到儲到首期未?她說:「好困難,要努力點,之前有人話買唐樓等收,都有睇過,新樓盤又貴,我係師奶心態,愈等樓價就愈升,希望樓價可以令香港人開心些。」問到平日是否用男友蕭正楠的錢?她笑指大家都鬥慳,而男友跟她一樣不擅投資,反而前輩就有教她:「之前同宣萱一齊拍《使徒行者2》,宣萱教我要不停睇樓,睇到一間自己鍾意的樓至會畀心機儲錢,但睇樓經驗唔多,要聽他們分享學多些。」
提到蕭正楠日前拍劇受傷,翠如笑說:「佢係小強,武指話佢韌帶斷驉A冇郁兩日,趷髐@排,而家好返好多。(服侍男友?)我一直開工,唔使招呼佢。(他說驚飲完你煲的湯傷勢更嚴重?)佢唔得女人好記仇,佢死硬!」
蝦頭表示喜歡打籃球及游水,以前參加過游泳比賽更得過獎,她笑說:「可能我係一隻蝦,熟水性,游自由式同蛙式,最想學背泳同自由式,但游一下就累,最叻都係蝦式。」蝦頭又表示近日忙於演出舞台劇,相隔了兩、三年再做舞台劇,大家都讚她有很大進步,令她很開心。