■松松笑言當正自己是張太。香港文匯報訊（記者 梁靜儀）張兆輝(輝哥)、陳松伶(松松)、張振朗、陳瀅、謝東閔及羅蘭等，昨日到將軍澳出席無綫新劇《全職沒女》宣傳活動，眾人穿上婚紗禮服現身，玩遊戲時新郎要抱起新娘，其中張振朗抱起陳瀅時竟谷到臉紅。
相隔多年再為無綫拍劇的松松，直言劇集播映在即感到緊張，她說：「劇中係一個全新形象，好顛覆性，自己都認唔到自己，又肥嘟嘟，又戴眼鏡，冇錢又冇學歷，又好冇禮貌，見到男人流晒口水。」她笑指之前未拍過這類戲，所以十分緊張，拍的時候好開心，但拍完就好驚，因為劇中她負責扮醜，最顛覆性，大家可以當她是個新人看待，叫她陳松松。
松松表示與輝哥合作很開心，完全沒有隔膜，更當正自己是張太：「我老公又係姓張，直情當咗自己係張太，輝哥老婆嚟探班我都唔介意，話呢個老公呢刻係我嘅，而輝哥萬歲得最多，大家拍完劇集近一年仍有保持聯絡。」松松透露二人在劇中有親熱戲，更是她從影以來最多親熱戲、最多醉酒戲，至於尺度是否很激？她就笑說：「反而嫌唔夠激。」
輝哥表示與松松拍親熱戲不尷尬，大家合作很開心，開工時不似在拍戲，似返屋企食飯，下星期亦會相約睇劇集首播。他透露劇中原本是松松主動追求他，後來他知道真相後就掉轉追求她，但她卻吊高來賣。松松指輝哥在劇中很Chok，輝哥就笑說：「一向都係咁樣，只不過再執正啲，（出動私伙衫？）有蘇老闆贊助好多靚衫，好fit。」問到對收視可有信心？他說：「有信心，（想有幾多點？）唔使講，最緊要高收視。」
