■郭Sir下月帶團豪歎東海龍皇龍躉龍蝦宴。「股壇大隻佬」郭思治（郭Sir）過檔民眾金融（0279）旗下民眾證券之後，為幫民眾財經台開台打響頭炮，繼續諗計??擁躉，再辦足足停咗10年嘅旅行團。是次旅行團將於下月24日舉行，由郭Sir親自帶團上中山，食好住好，歎住講股。
特設有問必答論壇
聽講，郭Sir除咗帶擁躉豪歎東海龍皇龍躉龍蝦宴和石斛滋補養生宴外，重點行程當然係長達3小時嘅投資論壇，由郭Sir分析下半年嘅國際財經大勢。論壇更特設有問必答環節，絕對可以滿足擁躉近距離與郭Sir交流的慾望。郭Sir話，早在十年前已與永安旅遊合作帶團，當時每次皆吸引幾百人參加，個個玩到樂而忘返。今次主要是應一眾擁躉要求，盛情難卻下決定再辦旅行團。首團將於6月24日出發上中山，預計會吸引200人參加，反應好嘅話再舉辦其他地區嘅旅行團，甚至會考慮帶團出國，向世界出發咁話。6月10日前報名每人1,288元（大小同價），入住五星級中山永安新城皇冠假日酒店。
小記又風聞，民眾財經台一直在招兵買馬，並與不同金融機構及網絡紅人商討合作方案，密鑼緊鼓為旗下的全新財經頻道做開台準備。 ■香港文匯報記者 蔡競文