外號「法國佬」的張珈衍，本來一直是「熱狗」內部的中堅成員，長期參與「熱狗」的行動，更曾因涉嫌衝擊立法會大樓而被捕。不過，他近日大爆「狗達」（黃洋達）覺得被政府控告者會有「光環」，有利選舉，故「好×鍾意啲人有案揹喺身」，要求他參選。結果女友向他提出分手，而且最後還被「狗達」棄如敝屣，遂與「熱狗」決裂，而此舉令他的財政狀況出現問題，可謂是「女人錢財兩失意」。所以話，加入「獨派」，「不可一，不可再」，否則定悔之莫及。 ■香港文匯報記者 鄭治祖
「法國佬」近日在「無敵神駒」仇思達的網台節目上大爆「狗達」及「熱狗」的劣行。自稱因為教車師傅的工作性質，甚少參與示威遊行的「法國佬」聲稱，在違法「佔領」期間，「狗達」分了一隊「紅旗」的人給他管理，負責做「光復行動」、狙擊行動等，但他當時已經「不情願」，「我愈出名，啲學生愈唔×搵我去學車，個個禮拜去『光復』，見×到我上報紙，係人都以為我轉×咗行，連我啲行家都以為我轉×咗行㗎喎！」
日日有任務 「請假」即冷待
為此，他決定向「狗達」提出要「請假」，「本身我做緊嗰份工嘅問題，你仲要我個個禮拜去『光復』，一三五去差館『聲援』，跟住唔知點樣二四六又要開會講下次行動嘅嘢，×你老母，咁我做×咩，咁我咪同黃洋達講囉：喂，畀兩個月時間我得唔得，我想請兩個月假，唔掂喎，你都知我做邊行㗎啦，我手停口停，你畀少少時間我啦，我間教車公司真係執笠㗎啦！」
「法國佬」引述「狗達」回應稱：「咁你唔×使做（『紅旗』『旗主』）啦，你鍾意自己留喺『熱血政治』做主持，你老哥鍾意點就點！」言下之意，是狗達對沒有利用價值的「手足」毫不尊重。
愛手下有案在身添「光環」
「法國佬」又憶述自己在違法「佔領」期間涉嫌衝擊立法會大樓，並踢爆「狗達」當時已在盤算之後的立法會選舉，「黃洋達佢好×鍾意啲人有案揹喺身㗎嘛，可以選舉呀嘛！（點解？即係有『光環』？）係呀，『佔領』嗰陣時，我仲未俾人拉嘅時候，佢喺（『佔領區』）物資站已經叫我去選啦。總之邊個手足衰咗嘅話，佢都講坐完出嚟咪選囉！」
「法國佬」當時對此很不滿，心想：「×你老母，嗰陣時『佔領』緊呀，講乜×嘢選舉啫！」到去年立法會選舉，「狗達」在報名參選時前一天、報名前最後6小時才找他去排參選名單，「喂！唔×掂喎，要你選喎！」
「法國佬」稱，自己當時的女朋友極度不希望他參與選舉，「女朋友之前曾斬釘截鐵同我講，你咪×去選呀，分手㗎啦！」不過，他心想要「顧全大局」，決意打電話給女友通知這個消息，最終女友決定與他分手，「我女朋友收線前嘅最後一句說話：你鍾意點就點啦！」
一時叫「抬轎」 轉頭又甩底
本來一心要助「狗達」出選，但數小時後卻又有翻天覆地的改變：「狗達」當晚改口稱：「都係唔×使要你（去選）啦，係呀！因為同天后娘娘擲過聖杯，佢話無問題喎。」
「狗達」與「法國佬」積怨愈來愈深，其後更在一次聚會上炮轟「法國佬」：「×你老母，叫你條×樣選又唔×選！」「法國佬」當時向「狗達」道歉：「對唔住囉，搵食呀嘛大佬！」「狗達」隨即拍枱怒罵：「×你老母臭×，你要搵食？『班長』唔使搵食？阿熙（前『熱狗』李政熙）唔使搵食？阿力唔使搵食？×你老母臭×，我今時今日留你身邊袋『課金』呀，我對唔×住班手足呀！」
「法國佬」稱，自己對此感到十分氣憤，揚言要退回所有「課金」，不再在「熱血公民」做主持：「我無咩所謂嗰時，我就一定唔×會袋㗎啦！我有手有腳，我有搵錢能力，嗰8萬蚊，我借貴利都要退啦！」他並訴苦稱，因當時長期參與「熱血公民」的行動，令到他的財政狀況出現問題，「我𠵱家都未×回到氣呀，我𠵱家都係乞米邊緣呀，嗰8萬蚊我都係問銀行借㗎！」